سیروان ساڵح ، شارەزای كەشناسی و فەلەکی رایگەیاند:" لە ئێوارەی ڕۆژی سێشەممە 17ی شوبات کە دەکاتە 29ی مانگی شەعبان مانگ و خۆر پێکەوە ئاوادەبن و بەهیچ شێوەیەک لەهیچ ناوچەیەک مانگ بە چاو و تەلیسکۆبیش نابینرێت، بۆیە ڕۆژی چوارشەممە تەواوکەری مانگی شەعبان دەبێت و ڕۆژی پێنجشەممە 19ی شوبات یەکەم ڕۆژی مانگی ڕەمەزانی پیرۆز دەبێت."
ئاماژەی بەوەش دا: "هەر بەپێی لێکدانەوەمان ئێوارەی ڕۆژی پێنجشەمە 19ی ئازار کە دەکاتە 29ی ڕۆژی مانگی ڕەمەزانی پیرۆز مانگ 27 خولەک دوای خۆر ئاوا دەبێت و بەچاو و تلیسکۆبیش بەڕوونی دەبینێرێت، بەم پێیە ژمارەی ڕۆژەکانی مانگی ڕەمەزانی پیرۆز 29 ڕۆژ دەبێت و ڕۆژی هەینی 20ی ئازار یەکەم ڕۆژی جەژنی ڕەمەزانی پیرۆز دەبێت."
سیروان ساڵح جەخت دەكاتەوە: " بڕیاری دیاریکردنی یەکەم ڕۆژی مانگی ڕەمەزانی پیرۆز و یەکەم ڕۆژی جەژن لای لیژنەکانی بینینی مانگ و وەزارەتی ئەوقافی هەرێمی کوردستانە و ئێمە تەنیا لێكدانەو زانستییەكانی خۆمان دەخەینە ڕوو."
وەڵام بدەوه