هۆشداری بۆ شوفێران هات

ئەمڕۆ بەناچاری نەبێت با کەس گەشت لە دەروازەکەمانەوە نەکات

بەڕێوەبەرایەتی دەروازەی نێودەوڵەتی زێت، هاووڵاتیان و گەشتیارانی سنوورەکەمان ئاگادار دەکاتەوە، کەوا ئەمڕۆ هەینی ٢٣ی كانوونی  دووەمی ٢٠٢٦، ڕێگای هاتوچۆ و گەشتکردن لە سنووری دەروازەکەمان کاتژمێر یەکی پاشنیوەڕۆ دەکرێتەوە. بەڵام بەهۆی ناهەمواری ڕێگاوبانەکان و هاتنی بەفری بەردەوام، گەشتیار گەر زۆر نەچار نەبێت با ئەمڕۆ لە دەروازەکەمانەوە گەشت نەکات.

ئەمەو ئاستەنگی زۆر لە ڕێگاکانی هاتوچۆی دیووی تورکیا هەیە و ڕێگایان لە بەفر پاک نەکراونەتەوە، بەمەش ڕەنگە گەشتیار دوای ئەوەی لە دیووی زێتەوە دەرباز دەبێت، لە دیووی دەرەجیک تووشی زەحمەتیەکی زۆر ببێتەوە.

لێرەدا  دووبارە داوامان ئەوەیە، کەسێک زۆر زۆر نەچار نەبێت با ئەمڕۆ لە کاتژمێر یەکەوە ڕێگای سەفەر نەگرێتەبەر.

شایانی باسە، بەهۆی ئەو شەپۆڵەی بەفربارینەوە ئەمە ماوەیەکە، سەرەڕای کارکردنی بەردەوامی تیمەکانی بەفر ڕاماڵین، هەندێک جار هاووڵاتیان ڕووبەڕووی گرفتی هاتوچۆ دەبنەوە.

ڕاگەیاندن و پەیوەندییەکانی دەروازەی نێودەوڵەتی زێت.