خاتوو نازک ئەحمەد محەمەد، ئەندامی ئەنجومەنی نوێنەرانی عێراق، لەگەڵ، بەڕێوەبەری کۆمپانیای دابەشکردنی بەرهەمە نەوتییەکانی پارێزگای دیالە کۆبووەوە، ئەوەش بە مەبەستی گفتوگۆکردن لەسەر دۆسیەی پشکی گازی تەرخانکراو بۆ مۆلیدە ئەهلییەکانی قەزای خانەقین.
لە دیدارەکەدا جەخت کرایەوە لەسەر پێویستی زیادکردنی پشکی مۆلیدەکان بە شێوەیەک کە لەگەڵ پێداویستییەکانی هاوڵاتیاندا بگونجێت و ببێتە هۆی کەمکردنەوەی بارگرانی لەسەر شانیان، بەتایبەتی لەگەڵ زیادبوونی خواست لە کاتە هەستیارەکاندا.
هەروەها باس لە میکانیزمەکانی کەمکردنەوەی نرخی مۆلیدەکان کرا لە ڕێگەی دابینکردنی پشکی پێویستی گاز بۆ خاوەن مۆلیدەکان، تاوەکو نرخەکە بۆ هاوڵاتیان گونجاوتر بێت، وێڕای جەختکردنەوە لەسەر گرنگی بەدواداچوونی بەردەوام و مسۆگەرکردنی پابەندبوون بە نرخی فەرمییەوە.
لای خۆیەوە، خاتوو نازک ئەحمەد محەمەد دووپاتی کردەوە کە بەردەوام دەبێت لە بەدواداچوون بۆ ئەم دۆسیە خزمەتگوزارییە گرنگە و کارکردن لەگەڵ لایەنە پەیوەندیدارەکان، بۆ دۆزینەوەی چارەسەری کردەیی کە خزمەت بە خەڵکی خانەقین بکات و سەقامگیری دابینکردنی کارەبا لە ڕێگەی مۆلیدە ئەهلییەکانەوە بپارێزێ
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه