وەزارەتی بازرگانی عێراق، 13 توێژی کۆمەڵگەی دیاریکرد کە لە وەرگرتنی بەشەخۆراک بێبەش دەکرێن.
ستار جابری، بریکاری وەزارەتی بازرگانیی عێراق، بە ئاژانسی فەرمی راگەیاند "13 توێژ لە بەشەخۆراک بێبەش کراون، لەوانەش خاوەن کۆمپانیاکان، ئەندامانی ژوورەکانی بازرگانی، یەکێتیی پیشەسازییەکان، پزیشکان، دەرمانسازان و ئەوانەی مووچەیان لە 2 ملیۆن دینار زیاترە، لەگەڵ چەند توێژێکی دیکە".
بەگوتەی جابری "لێکۆڵینەوەیەک هەیە کە هێشتا بڕیاری کۆتایی لەبارەوە نەدراوە، سەبارەت بە میکانیزمی بڕینەکە لەڕێگەی ئەلیکترۆنییەوە و بەستنەوە بە دامەزراوەکانی دەوڵەت وەک دارایی، باج و گومرگ، بە ئامانجی دیاریکردنی شایستەکان و ناشایستەکان بەپێی ئەو پێوەرانەی لەلایەن وەزارەتی بازرگانی و لایەنە پەیوەندیدارەکانەوە دانراون،" ئاماژەی بەوەشکرد، "نزیکەی چوار ملیۆن کەس لە دەرەوەی عێراقن و هێشتا بەشەخۆراکیان پێدەدرێت."
وەڵام بدەوه