مژدەی خۆش بۆ ئەو فەرمانبەرانە هات

كۆدی UPN بۆ مامۆستانی گرێبەست دروست دەكرێت و ناوی مامۆستایان ڕەوانەی بانكەكان كراوە. ئەمە هەنگاوێكە بۆ دامەزراندنی هەمیشەیی و دروستكردنی هەژمار.

ئەمڕۆ شەموو 20ـی كانوونی یەكەم، شوان عەلی نوێنەری مامۆستایانی گرێبەست، ڕاگەیاند، بڕیار دراوە بۆ مامۆستانی گرێبەست كۆدی UPN دروست بكرێت.

زیاتر گوتی، پرۆسەی دروستكردنی كۆدی (UPN)  بۆ مامۆستایانی گرێبەست كۆتایی هاتووە، ئێستە ناوەكانیان بە فەرمی ڕەوانەی بانكەكان كراوە، ئەمەش بە مەبەستی ڕێكخستنی پرۆسەی بەبانكیكردنی مووچەكانیان.

باسی لەوەش كرد، دروستكردنی كۆدی UPN هەنگاوێكە گرنگییەكی زۆری هەیە و وەك دەرفەتێكی زێڕین دەبینرێت بۆ جێگیركردنی مافەكانیان، چونكە بەبانكیكردنی مووچە ڕێگەخۆشكەر دەبێت بۆ ئەوەی لە چوارچێوەی بودجەی ساڵی 2026 ی عێراقدا، پرۆسەی گۆڕینی ناونیشانیان بۆ دامەزراندنی هەمیشەیی جێگیر بكرێت.

پێشتر مامۆستایانی گرێبەست ماوەیەكی درێژە داوای چەسپاندنی مافە دارایی و كارگێڕییەكانیان دەكەن، بەم هەنگاوەش قۆناغێكی گرنگی متمانە و دڵنیایی بۆ داهاتووی پیشەیی خۆیان و خێزانەكانیان دەست پێ دەكات.