گەنجانی كوردی كەركووك كە ئەمڕۆ بۆ هەڵكردنی ئاڵای كوردستان چوونە لای پەیكەری پێشمەرگە و دواتر بە هێز بڵاوەیان پێ كرا، دوو ڕۆژ مۆڵەت دەدەنە رێبوار تەهای پارێزگاری كەركووك، بۆ ئەوەی ئاڵای كوردستان هەڵبكات.
نیوەڕۆی ئەمڕۆ ژمارەیەك گەنجی كوردی كەركووك، چوونە بەردەم پەیكەری پێشمەرگە لە دەروازەی شارەكە، بۆ ئەوەی ئاڵای كوردستان هەڵبكەن، بەڵام هێزێكی زۆر بڵاوەی پێ كراو گەنجەكان كشانەوە.
یەكێك لەو گەنجانەی ئاڵایەكی گەورەی كوردستانی هەڵگرتبوو راگەیاند، پارێزگاری كەركووك زۆرجار بەڵێنی داوە ئاڵای كوردستان دەخاتەوە دەستی پەیكەری پێشمەرگە، بەڵام بەڵێنەكەی نەبردووەتە سەر.
هەروەك باسی لەوەیش كرد، ئێستە گەنجانی كوردی كەركووك بڕیاریان داوە دوو ڕۆژ مۆڵەت بدەن بە پارێزگار بۆ گەڕاندنەوەی ئاڵای كوردستان، ئەگینا كاردانەوەی تریان دەبێت.
كەركووك بۆ كوردی نیشتمانپەروەر بەردەوام مەشخەڵ و كڵپەی ئازادی بووە، ئێستە بەزۆر دەیانەوێ كورد لە شارەكەدا سەركوت بكەن، بەڵام بۆیان نەچووەتە سەر و ئەمڕۆیش هەروا چاوەڕوان دەكرێت ئەو گەنجە كوردانە بگەن بە ئامانجەكەیان.
وەڵام بدەوه