پارە بەسەر ئەو هاوڵاتیانە دابەشدەکرێت

مینحەی سەرۆک وەزیران بەسەر رزگاربووانی دەستی دا*عش دابەش دەکرێت

دەست بە دابەشكردنی مینحەی سەرۆك وەزیران بۆ مانگی 11 بەسەر رزگاربووانی دەستی دا*عشدا دەكرێت.

سەعید جەردۆ، بەرپرسی بنکەی لالش رایگەیاند، ئەمڕۆ دووشەممە، 15ی کانوونی یەکەمی 2025، لە شێخان، مینحەی مانگی تشرینی دووەم (11)ی مەسرور بارزانی، سەرۆکی حکومەتی هەرێمی کوردستان؛ بەسەر رزگابووانی دەستی دا*عشدا دابەش دەکرێت.

بە گوتەی سەعید جەردۆ، زياتر لە سێ هەزار و 575 كەس لە مینحەكەی سەرۆک وەزیران مەسرور بارزانی سوودمەند دەبن. دووپاتیشی کردەوە، پرۆسەکە بەردەوام دەبێت و مانگانە کەسانی نوێ خۆیان بۆ وەرگرتنی مینحەکە تۆمار دەکەن.

ئەم هاوکارییە داراییەی سەرۆک وەزیران مەسرور بارزانی لە ژێر ناوی "لە فرمێسكەوە بۆ هیوا"، بەسەر رزگاربووانی دەستی داعش دابەش دەكرێت و هەموو رزگاربووان دەگرێتەوە بەبێ جیاوازی، تەنانەت ئەوانەی ئێستا لە دەرەوەی وڵاتیش دەژین.