شارەزایەكی كەشناسی بڵاوی كردووەتەوە ڕۆژ یەكشەم یەكەم باران بارین لە هەرێمی كوردستان دەبێت و كارەیگەری لەسەر زۆربەی ناوچەكانی هەرێمی كوردستان دەبێت.
ئەمڕۆ هەینی حەوتی تشرینی یەكەم، شاڵاو هیدایەت شارەزای كەشناسی بڵاوی كردووەتەوە، شەپۆلێكی باران بارینی لاواز و هەورە بروسكە هەندێ ناوچەكان دەگرێتەوە.
باسی لەوەش كرد، لە سەرەتای هەفتەی داهاتوودا بەتایبەتی ڕۆژی یەكشەم بەهۆی كارتێكردنی ناوچەیەكی پەستان نزمی لاوازی دەریای ناوەڕاست و هاتنی هەندێك شێی مەداری بڕێك باران لە ناوچە جیاوازەكانی سنووری هەولێر و ئیدارەی ڕاپەرین و دهۆك و مووسڵ دەبارێ.
روونی كردووەتەوە، ئەگەری شۆڕبوونەوەی ئەو شەپۆڵە هەیە بۆ هەندێ لە ناوچە شاخاوییەكانی سلێمانی و بەشێكی سنووری كەركووكیش.
بەگوتەی ئەو شارەزایەی كەشناسی، سەرەتای هەفتەی داهاتوو بەولاوە بارستە هەوایەكی ساردی لاواز لە ئەوروپاوە دادەبەزێتە سەر ناوچەكانمان و پلەكانی گەرما لەسەرجەم ناوچەكان دادەبەزێت.
وەڵام بدەوه