سەرۆکی حکومەت پارەیەکی زۆر خەرجکرا

پارەیەكی زۆر بۆ رێگەی هەولێر- كۆیە خەرج كرا

بە ڕەزامەندیی سەرۆكی حكومەت، 117 ملیار دیناری تر بۆ دووسایدی هەولێر- كۆیە تەرخان دەكرێت، ئەوەش وا دەكات پڕۆژەكە خێرا بكرێت.

ئەمڕۆ پێنجشەممە، 4ـی کانوونی یەکەمی 2025، لە ڕاگەیەندراوێکدا پارێزگاری هەولێر، ڕایگەیاند؛ مەسرور بارزانی، سەرۆکی حکومەتی هەرێمی کوردستان، بۆ پڕۆژەی جووتسایدی هەولێر - كۆیە ڕەزامەندییدا لەسەر جێبەجێکردنی هەشت کیلۆمەتری بەشی کۆتایی پڕۆژەکە بە گوژمەی 117 ملیار دینار.

بە جێبەجێكردنی ئەم قۆناغەش، ڕێگاکە دەگاتە ناوشاری کۆیە و دەبەسترێتەوە بە شەقامی 60 مەتریی شارەكە کە بڕیارە لە داهاتوودا ئەنجام بدرێت.

دەشڵیت: ئەم بەشەی ڕێگاکە کە تەواوکاریی ڕێگای هەولێر - کۆیە بەرەو سلێمانی دەبێت، بە هەمان ڕەوش و پێوەری بەرزی ئەندازیاری جێبەجێ دەکرێت، هەر سایدەی سێ ڵاینە، بۆ ئاسانکاریی هاتوچۆی هاووڵاتیانیش چەندان بەرزەپرد لەخۆ دەگرێت.

ڕاشیگەیاند، ڕێگای كۆیە - هەولێر، بە شادەماری ڕێگاكانی كوردستان دادەندرێت، پڕۆژەیەكی ستراتیژی ڕێگاوبانی كوردستانە و بەشێكە لە تۆڕی شادەماری ڕێگاوبانی کوردستان و پایتەختی هەرێمى كوردستان دەبەستێتەوە بە پارێزگاكانی سلێمانی و هەڵەبجە و ئیدارە سەربەخۆكان، لە هەولێریشەوە بەرەو پارێزگای دهۆك، بەبڕیاری مەسرور بارزانى، سەرۆك وەزیرانى هەرێمى کوردستان، بە گوژمەی ( 560 ملیار و 446 ملیۆن دینار ) جووتسایدی هەولێر-کۆیە دەستی پێکردووەو لە ئێستادا نزیکی 30%ی کارەکانی تەواو بووە.