لە میانی مەراسیمی کردنەوەی باڵەخانەی نوێی کۆنسوڵخانەی ئەمەریکا لە هەولێر، جێگری وەزیری دەرەوەی ئەو وڵاتە دووپاتی کردەوە کە پەیوەندییەکانیان لەگەڵ هەرێمی کوردستان لەسەر بنەمای بەرژەوەندیی هاوبەش و ستراتیژی بنیات نراوە.
ئەمڕۆ چوارشەممە ٣ی کانوونی یەکەمی ٢٠٢٥، مایکڵ ڕیگەس، جێگری وەزیری دەرەوەی ئەمەریکا لە وتارێکدا لە کاتی کردنەوەی گەورەترین کۆنسوڵخانەی وڵاتەکەی لە جیهاندا، ستایشی پێگەی هەرێمی کوردستانی کرد و ڕایگەیاند: "لەگەڵ هەرێمی کوردستان بەرژەوەندیی هاوبەشمان هەیە و پەیوەندییەکانمان پتەون.
بەرپرسە باڵاکەی واشنتۆن ئاماژەی بەوەش کرد کە دروستکردنی ئەم کۆمەڵگە دیپلۆماسییە گەورەیە لە هەولێر، پەیامێکی ڕوونی پابەندبوونی ئەمەریکایە بە مانەوە و پەرەپێدانی پەیوەندییەکان لەگەڵ گەل و حکومەتی هەرێمی کوردستان.
مایکڵ ڕیگەس جەختیشی کردەوە کە ویلایەتە یەکگرتووەکان وەک هاوبەشێکی سەرەکی دەمێنێتەوە بۆ پاراستنی سەقامگیری و برەودان بە دۆخەکە، و گوتیشی: "ئێمە لێرەین بۆ ئەوەی پێکەوە کار بۆ داهاتوویەکی باشتر بکەین
وەڵام بدەوه