وەزارەتی کارەبا ڕایدەگەیەنێت کە بەهۆی چاککردنەوە لە تۆڕی کارەبا لەچەند مانگی داهاتوودا، بەشێک لە هاووڵاتییان بۆ ماوەیەکی کاتی کارەبایان دەپچڕێت، بۆ ئەو مەبەستەش داوا لە هاووڵاتییان دەكات، كە خۆیان لە پڕۆژەی ڕووناكیدا تۆمار بكەن، بۆ ئەوەی لە كاتی چاككردنەوەی تۆڕی كارەبادا، كورتەنامەی ئاگاداری بۆ بچێت.
ئەمڕۆ چوارشەممە 26ـی 11ـی 2025، وەزارەتی كارەبای حكوومەتی هەرێمی كوردستان ڕایگەیاند: "وەک بەشێک لە چالاکییەکانی پڕۆژەی ڕووناکی، کاری چاککردنەوەی پێویست بە بەردەوامی ئەنجام دەدرێت بۆ تۆڕی کارەبا کە سوودی دەبێت لە باشترکردنی خزمەتگوزاری کارەبای نیشتمانی."
دەشڵێ: "لەکاتی ئەنجامدانی کارەکانی سازدانی تۆڕی کارەبا لەلایەن تیمەکانی چاککردنەوە، دەکرێت بۆ ماوەیەکی کاتی کارەبا بپچڕێت."
وەزارەتی کارەبا هاووڵاتییان دڵنیا دەکاتەوە کە لەکاتی هەر پچڕانێکی کارەبا، هەموو خزمەتگوزاری و ژێرخانە سەرەکییەکان بەردەوام دەبن لەکارکردن و تیمەکان کاردەکەن بۆ گەڕاندنەوەی کارەبا بەزووترین کات. بۆیە داوا لە هاووڵاتییان دەکات كە پشوو درێژ بن لەکاتی ئەنجامدانی پڕۆسەی سازدانەوەی تۆڕەکانی کارەبا
جێی باسە، لەکاتی ڕوودانی هەر پچڕانێکی پلان بۆ داڕێژڕاو، وەزارەتی کارەبا پێشوەختە هاووڵاتییان ئاگادار دەکاتەوە. بۆیە وەزارەتی کارەبا هانی هاووڵاتییان دەدات کە خۆیان لە پڕۆژەی ڕووناکیدا تۆمار بكەن، بۆ ئەوەی کورتەنامەی ئاگادارییان پێ بگات.
وەڵام بدەوه