لە كۆڕبەندی مێپس سەرۆك بارزانی وتارێكی پێشكەش كرد و رای گەیاند، دوای جەنگی یەكەمی جیهانی، پەیماننامەی سایكس پیكۆ گۆڕانكاریی گەورەی بەسەر ناوچەكەدا هێنا، ئەم سیستمەی لە ئەنجامی پەیماننامەی سایكس پیكۆ هاتە كایەوە، بەداخەوە سەقامگیریی بۆ ناوچەكە نەهێنا.
ئەمڕۆ سێشەم 18ـی تشرینی دووەم، سەرۆك مەسعوود بارزانی لە گوتارەكەیدا لە مێپس 2025 رای گەیاند، ئەم كۆڕبەندە لە كاتێكی هەستیاردا بەڕێوە دەچێت، هیودارین لێكۆڵینەوەكانی ئەم كۆڕبەندە ئەنجامێكی ئەرێنی لێ بكەوێتەوە، ئەم ئامانجانە بەدەست بهێنێت كە ئەم كۆڕبەندەی بۆ دەبەسترێت.
زیاتر گوتی، لە ڕۆژهەڵاتی ناوەڕاست قەیرانی زۆر و مەترسیدار هەن، ئومێدەوارین ئەم جۆرە كۆڕبەندانە ببنە ڕێگەی دۆزینەوەی چارەسەر بۆ ئەو قەیرانانە. ئاماژەی بەوەش دا، هەندێ ڕووداو گۆڕانكاری و مێژوو دروست دەكەن.
باسی لەوەش كرد، دوای جەنگی یەكەمی جیهانی، پەیماننامەی سایكس پیكۆ گۆڕانكاریی گەورەی بەسەر ناوچەكەدا هێنا، ئەم سیستمەی لە ئەنجامی پەیماننامەی سایكس پیكۆ هاتە كایەوە، بەداخەوە سەقامگیریی بۆ ناوچەكە نەهێنا، گرفتی گەورەی دروست كرد، تا ئێستەش میلەتانی ئەم ناوچەیە بەدەست ئەم پەیماننامەیەوە دەناڵێنین.
ئەمڕۆ شەشەمین كۆڕبەندی ئاشتی و ئاسایشی ڕۆژهەڵاتی ناوەڕاست (MEPS) بە ئامادەبوونی 120 سەرۆك و سەركردە لە 25 وڵات لە دهۆك دەستی پێ كرد
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه