هەڵمەتی دابەشکردنی نەوتی ماڵان بەردەوامە

بە نرخی پاڵشتی حكوومی، نەوتی سپی بەسەر نزیکەی 337 هەزار خێزان لە پارێزگا و ئیدارە سەربەخۆکانی هەرێمی كوردستان دابەش کراوە.
وەزارەتی سامانە سروشتیەكان، بڵاوی كردەوە: "تاوەكو ئەمڕۆ زیاتر لە 67 ملیۆن بەرمیلی نەوتی سپی بەسەر نزیکەی 337 هەزار خێزان لە پارێزگا و ئیدارە سەربەخۆکانی هەرێمی كوردستان دابەش کراوە."
ئاماژەی بەوەش داوە، زۆرترین نەوت لە پارێزگای هەولێر دابەش كراوە كە بڕەكەی 21 ملیۆن لیتر بووە، كەمترینیش لە ئیدارەی زاخۆ بووە بە ملیۆنێك و 564 لیتر.
ئەوەشی خستووەتە ڕوو، لە دهۆك و زاخۆ 15 ملیۆن و 333 لیتر نەوتیان لە عەمبارەكان ماوە، لە هەولێر و لە سۆران زیاتر لە 3 ملیۆن و 775 لیتر و لە سلێمانی و هەلەبجەش 6 ملیۆن و 581 لیتر نەوت لە عەمبارەكان ماوە و ئەویش دابەش دەكرێت.
هەر خێزانێك 200 لیتر نەوتی سپی وەردەگرێت و 103 هەزار و 500 دیناریشیان لەبەرامبەردا لێ وەردەگیرێت."
پێشتر کەمال محەمەد، وەزیری سامانە سروشتییەکان بە وەکالەت ڕایگەیاند: " لەسێ ساڵی پێشوودا، بە نرخی پاڵپشتی نەوت دابەش کراوە، لە هەندێک شوێن ساڵانە دوو بەرمیل نەوت بە ماڵان دراوە و ئەمساڵیش بە نرخی پاڵپشتی دەدرێت."
ئەوەشی خستەڕوو: "لە مانگی شەش داواکارییمان دایه سەرکی حکوومەت ڕەزامەندیی داوە ئەمساڵیش بە نرخی پاڵپشتی نەوت دابەش بکرێت."
وەزیری سامانە سروشتییەکان ئاشکراشی کرد: "ساڵانە 267 ملیۆن لیتر نەوتمان دابەش کردووە و بەغدا لە باشترین حاڵەتدا نەوتی سپیمان بۆ بنێرێ، تەنیا 50 ملیۆن لیتر دەنێرێت."