سکرتێرێ رۆژنامەڤانی یێ پارێزگارێ دهۆکێ دیار کر کو ب سەرپەرشتیا (پ.د.عەلی تەتەر) پارێزگارێ دهۆکێ ئەڤرۆ رۆژا چارشەمبی 5/10/2022 کۆمبوونا لژنا پشتگێریکرن و گەشەپێدانا پیشەسازی ب ئامادەبوونا چەندین رێڤەبەرێن پەیوەندیدار هاتە ئەنجامدان و ئەرد بۆ 10 کارگەهێن نوی هاتە تەرخانکرن.
مللەت عسمەت، سکرتێرێ رۆژنامەڤانی یێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو د ڤێ کۆمبوونێ دا هەلسەنگاندن بۆ کارگەهێن مۆلەتا کاری پێ هاتیەدان و ئەرد بۆ هاتیە تەرخانکرن و قۆناغێن بجهئینانا وان هاتەکرن کو ئەو پرۆژێن هاتینە پێشکێشکرن د بوارێن دارتاشی و موبیلیات و دروستکرنا دەرگەهـ و پەنجەرێن پلاستیکی و خوارن و چاندن و جلوبەرگ و دیزاین و بەرهەمئینانا فلینێ دیکورێن خانیان و بوڕیێن پلاستیکی و کلینسێن شل و هشک دانە.
سکرتێرێ رۆژنامەڤانی یێ پارێزگارێ دهۆکێ ئاماژە دا وێ چەندێ کو د ڤێ کۆمبوونێ دا ئەرد بۆ 10 ژوان کارگەهان هاتە تەرخانکرن، د هەمان دەم دا پارێزگارێ دهۆکێ دووپاتی ل بجهئینانا یاسا و رێنما و رێنمایێن دامودەزگەهێن پەیوەندیدار کر
وەڵام بدەوه