قوتابخانەیەکی ۱۲ پۆلی لە کەونەگوندی سەربەقەزای مێرگەسۆر کرایەوە

بە ئامادەبوونی بەڕێز مەلا مستەفا بارزانی، ڕێوڕەسمی کردنەوەی قوتابخانەیەکی ۱۲ پۆلی کە لە لایەن دەزگای خێرخوازی بارزانی و  ڕێکخراوی One Vision International ئەمریکی لە گوندی کەونەگوندی سەر بە قەزای مێرگەسۆر دروست کراوە، بەڕێوەچوو.
ئەمڕۆ ڕێکەوتی ٤ - ١٠ - ٢٠٢٢ بە ئامادەبوونی بەڕێز مەلا مستەفا مسعود بارزانی و بە بەشداری، هەلگورد شێخ نەجیب سەرپەرشتیاری ئیدارەی سەربەخۆی سۆران، عبدالواحید ڕواندزی بەرپرسی لقی ۱۰ـی پارتی دیموکراتی کوردستان، غفور احمد مەلا سوار قائمقامی قەزای مێرگەسۆر و دام و دەزگا حزبی و حکومییەکانی قەزای مێرگەسۆر و جەماوەرێکی زۆری ئەو سنوورە، قوتابخانەیەکی دواناوەندی ۱۲پۆلی لە گوندی کەونەگوندی سەر بە قەزای مێرگەسۆر کرایەوە کە بەهاوبەشی لە لایەن دەزگای خێرخوازی بارزانی و  ڕێکخراوی One Vision International ئەمریکی، جێبەجێکراوە و ٢٧٧ قوتابی لە ۱٥ گوندی سنوورەکە لێی سوودمەند دەبن.