وهزارهتی پهروهردهی حكوومهتی ههرێمی كوردستان ڕاگهیهنراوێكی سهبارهت به ڕووداوی گیانلهدهستدانی قوتابی میهراكۆ ئاكۆ له شاری سلێمانی بڵاو كردهوه و ڕایگهیاند كه ڕووداوهكه زۆر خهمباری كردن.
وهزارهتی پهروهرده له ڕاگهیهنراوهكهدا دهڵێت: بەداخەوە نیوەڕۆی ئەمڕۆ سێشهم لە کاتی تەواوبوونی دەوام لە قوتابخانەیەکی سنووری بەڕێوەبەرایەتی پەروەردەی ڕۆژئاوای سلێمانی، لەناو دەرگهی قوتابخانەکە ڕووداوێکی دڵتەزێن بە ئۆتۆمبێل ڕوویداوە.
دهشڵێت: ڕووداوەكه بووە ھۆی گیانلەدەستدانی قوتابی (میھراکۆ ئاکۆ) و برینداربوونی قوتابییەکی تر بە ناوی (باوان جەزا). جهختیشی كردهوه كه ئەم ڕووداوە زۆر خەمباری کردین.
ئاماژهی بهوهش دا: بەناوی وەزارەتی پەروەردە پرسە و سەرەخۆشی ئاڕاستەی خانەوادەی جوانەمەرگ (میھراکۆ ئاکۆ) و دەستەی کارگێڕی و مامۆستایانی قوتابخانەکە و ھاوڕێیانی جوانەمەرگ دەکەین، خوای گەورە سەبوری ھەمووان بدات، ھەروەھا ھیوای زووچاکبوونەوەش بۆ قوتابی (باوان جەزا) دەخوازین.
وەڵام بدەوه