نرخی نەوتی ماڵان بەردەوامە لە شکان

دابەشكردنی نەوت لە شار و شارۆچكەكان دەستی پێ‌ كردووە، بەهۆی ئەو دابەشكردنە ئێستە نرخی لە بازاڕدا شكاوە و نرخەكەی رووی لە دابەزین كردووەتەوە.

ئەمڕۆ دووشەم 20ـی تشرینی یەكەم، موحسین سەدرەدین ئەندامی كۆمەڵەی نەوتفرۆشان، a رایگەیاند، دابەشكردنی نەوتی سپیی ماڵان ماوەی هەفتەیەكە لە هەرێمی كوردستان دەستی پێ‌ كردووە.

زیاتر گوتی، لە رۆژی یەكشەمی رابردووەوە تا ئەمڕۆ، بەرمیلێك نەوت لە بازاڕی رەش 20 هەزار دینار دابەزیوە و پێشبینی دابەزینی زیاتریش دەكەین.

باسی لەوەش كرد، لە سەرەتای مانگدا كڕیار زۆر بوون، چونكە باسی دابەشكردنی نەوت نەدەكرا، بەڵام بە دابەشكردنی راستەوخۆ نرخەكەی دابەزی و كڕیاریش لە بازاڕ كەم بووەتەوە.

روونی كردەوە، بەرمیلێك نەوت كە پێشتر بە 185 هەزار دینار بوو، ئەمڕۆ بە 165 هەزار دینار دەفرۆشرێت، بە دابەشكردنی لەناو شارەكان هێشتا نرخەكەی زیاتر دابەزێت.

هەرێمی كوردستان ساڵانە پێویستی بە نزیكەی 300 ملیۆن لیتر نەوتی سپی هەیە، حكوومەتی هەرێمی كوردستان لە رێگەی نرخی پاڵپشتیكراو ماوەی سێ‌ ساڵە نەوت بۆ هاووڵاتییان دابین دەكات