ئێران به‌ چڕی‌ چه‌ند ناوچه‌یه‌كی‌ هه‌رێمی‌ كوردستان بۆردمان ده‌كات

تۆپخانه‌كانی‌ ئێران به‌ چڕی‌ بۆردمانی‌ چه‌ند ناوچه‌یه‌كی‌ كوردستان ده‌كه‌ن و كوێستانه‌كانی‌ سارتكه‌ و شاره‌دێی‌ سمیلان له‌ ژێر بۆردماندان.
كوێستانی سارتكه‌ له‌ سنووری شاره‌دێی سمیلان، له‌ ژێر تۆپبارانی چڕی تۆپخانه‌كانی ئێراندایه‌. كوێستانه‌كه‌ شوێنی ره‌وه‌نده‌كانه‌ و ژماره‌یه‌كی زۆری خه‌ڵكی ناوچه‌كه‌یش كاری كشتوكاڵی وه‌رزییان له‌و شوێنه‌ كردووه‌.
 هیچ زیانێكی‌ گیانی‌ به‌هۆی‌ بۆردمانه‌كه‌ نه‌بووه‌ و ته‌نیا زیانی‌ مادی‌ هه‌یه‌.
ئێران له‌وه‌ته‌ی‌ سه‌رهه‌ڵدانی‌ خۆپێشاندانه‌ ناوخۆییه‌كانی‌، به‌ چڕی‌ ده‌ستی‌ به‌ بۆردمان كردووه‌ته‌وه‌ و رۆژی‌ چوارشه‌می‌ رابردوویش، چوار ناوچه‌ی‌ كوردستانی‌ بۆردمان كرد كه‌ بووه‌ هۆی‌ ئه‌وه‌ی‌ چه‌ندان شه‌هید و برینداری‌ لێ‌ بكه‌وێته‌وه‌، به‌تایبه‌ت باره‌گای‌ حزبه‌كانی‌ رۆژهه‌ڵاتی‌ كوردستان.