شادمان مەلاحەسەن، كادیری بەرەی گەل و كەسی نزیك لە لاهور شێخ جەنگی نهێنییەكی هێرشەكەی سەر لالەزار ئاشكرا دەكات و دەڵێ: حەشدی شەعبی بەشداری هێرشەكە بووە و بە هاوبەشی جێبەجێ كراوە.
شادمان مەلاحەسەن باس لە هەواڵی هاتنی شاندێكی عێراقی بۆ لێكۆڵینەوە لە شەڕەكەی لالەزار دەكات و دەڵێ: زۆر هیوامان بەو هەوڵە نییە، ئەوان گە ویستبایان دەیانتوانی پێش ڕووداوەكە ڕێگە لەو شەڕە بگرن.
دەشڵێ: ئێستا بۆمان دەركەوتووە، هێزەكانی حەشدی شەعبی بەشدارییان لە هێرشەكەی لالەزار كردووە و زانیاریمان لەم ڕووەوە بۆ هاتووە.
ئەمە لە كاتێكدایە بەپێی سەرچاوە میدیاییەكان، لە هێرشەكەی سەر لالەزاردا درۆن و چەكی قورس بەكار هاتووە.
بەرەبەیانی ڕۆژی 22ی ئابی 2025 هێزەكانی ی.ن.ك هێرشیان كردە سەر هۆتێل لالەزار كە بارەگای سەرەكیی لاهور شێخ جەنگی، سەرۆكی بەرەی گەل و هێزەكەی بوو، لە ماوەی سێ كاتژمێردا شەڕێكی سەخت ڕووی دا و چەندین كەس كوژران و بریندار بوون و ئاسایشی سلێمانی كەوتە مەترسییەوە.
وەڵام بدەوه