رێککەوتنی کۆتا خولەک
فەرماندە دیار و کۆڵەکەی لالەزار چۆن هەڵگەڕایەوە؟
دوای ئەوەی هێزەکانی یەکێتی ناتوانن هێڵی بەرگری بۆ چونە ناو لالەزار بشکێنن، هاوکات نزیکەی ٤ کاتژمێرە شەڕە و خەریکە رۆژ دەبێتەوە، ترسیان هەبوو دۆخەکە بەتەواوی بگۆڕدرێت، خەبەر دەدەنە بافڵ تاڵەبانی و دەڵێن:" ناتوانین بچینە ناو لالەزار بەرگریەکە سەختە و وابێت زۆر دەکێشیت
بافڵ تاڵەبانی و رەفعەت عەبدوڵا پەیوەندی بە (م)و باوکی فەرماندەکە دەکەن، دەڵێن:" ئەگەر کوڕەکەت تەسلیم بێت، بەڵێن بێت پارێزراو دەبێت و قەرەبووی هەمووشتێکی بۆدەکەینەوە، بەشایەدی سەرۆک عەشیرەتی (...)
ئیدی باوکی سعات ٥ پەیوەندی بە فەرماندەکە دەکات و بە دەق پێی دەڵێت( کوڕم لەو شەڕە گەڕانەوە نیە یان دەکوژرێی یان تەسلیم دەبی، ئەوەی یەکەم لەدەستی خۆتە و ئەوەی دووەم من بەرپرسیارم، خۆت تەسلیم بکە و من و (....) دەتپارێزین زەمانەتتکراوە، بەڵام دڵنیابە تۆ و لاهور و پۆلاد دەکوژرێن، چونکە فەرمانەکە دراوە یان تەسلیم بوون یان کوشتنتان، بۆیە رازی دەبێ و دەڵێت: باشە خەبەرتان دەدەمەوە".
نزیک سەعات ٥ و ٤٠ خولەک فەرماندەکە دەچێتە لای کاک لاهور و پۆلاد دەڵێت: هێزەکانی یەکێتی هەروا نزیک دەبنەوە، واباشە دابەشی سێ گروپ ببین و باشتر دەتوانین بەرگری بکەین!
کاک لاهور دەڵێت: من لە دەرگای پێشەوەی لالەزار دەبم، تۆش بڕۆ بۆ دەرگای دواوە، ئێمە بەرگری دەکەین و پۆلادیش با بچێتەوە سەرەوە هێرش بکات بۆ راگرتنی پێشڕەوی هێزەکان ئاوا باشتر دەتوانین بەرگری بکەین
(ئەوانەی شارەزای هۆتێل لالەزارن دەزانن دەرگاکان کامانەن)
کاتێ دابەش دەبن فەرماندەکە خۆی و ۷ کەسی دیکە دەچنە دەرگای دواوە نزیک بیست دەقە لەدەرگای دواوە هیچ تەقەیەک ناکرێت، شەڕ دەوستێت لەوێ و ئەوەش گومان دروست دەکات
کاک لاهور بە یەکێک دەڵێت: بڕۆ بزانە چیە ئایا فەماندە(..) کوژراوە بۆ تەقەنەماوە؟، کەدەچێت چەکدارەکە بەپەلە دەگەڕێتەوە و دەڵێت:" کاک لاهور،! کۆماندۆ و دژە تیرۆر هاتووونەتە ناو لالەزار!
ئەویش دەڵێت:" چۆن ئەی فەماندە (..)؟ دەڵێت: نازانم، تەلەفون بۆ فەرماندەکە دەکات جواب ناداتەوە! دەزانێت کە تەسلیم بووە، راستەوخۆ بە پۆلاد دەڵێت:" وەرەخوارەوە فەرماندە(..) رۆیشت دەڵێت: چۆن؟ چی بووە کوژرا؟ دەڵێت نا تەسلیم بووە"
ئینجا کاک لاهور پەیوەندی بە چەند کەسێک دەکات لەدەرەوە و دەڵێت:" فەرماندە(..) خیانەتی کرد هەڵگەڕایەوە و تەسلیم بوو و بۆیە:" ئێمە خۆمان رادەست دەكەین. با كوڕەكان نەكوژرێن ".
ئینجا لاهور تەلەفون بۆ بافڵ دەکات و دەڵێت:" خەڵک مەکوژن خۆمان تەسلیم دەکەین، پۆلاد و لاهور بەیەکەوە دەبن، کە هێزەکە دێت، پۆلاد دەیەوێت تەقە لەوەهاب مەجید باقی بکات، بەڵام راستەوخۆ تەقەی لێدەکەن و گولەیەکی لێدەدەن، ئیدی بەمجۆرە دەستگیر دەکرێن
ئینجا دەڵێن لە میدیاکان دواین کەس باسی فەرماندە(..) بکەن، بۆئەوەی خەڵک بڵێت:" فەرماندە(...) تا کۆتا کەس شەڕیکرد و تەسلیم نەبوو، بەڵام ئەوانی دیکە پێش ئەو تەسلیم بوون
هانا چۆمانی
وەڵام بدەوه