بەپێی نووسراوێك و هەوڵی فراكسیۆنی پارتی دیموكراتی كوردستان، وەزارەتی خوێندنی باڵای عێراق رەەزامەندی دا لەسەر كۆلیژی زانستە تەندروستییەكان/ زانكۆی هەولێری پزیشكی بۆ ساڵی خوێندنی 2025-2026.
ئەمڕۆ سێشەم 19ـی ئاب، د. نەهلە ئەفەندی ئەندامی لیژنەی خوێندنی باڵا لە ئەنجوومەنی نوێنەرانی عێراق، راگەیاند، بەهەوڵ و كۆششی فراكسیۆنی پارتی دیموكراتی كوردستان لە ئەنجوومەنی نوێنەرانی عێراق و نوێنەرایەتیی حكوومەتی هەرێمی كوردستان لە بەغدا، رەزامەندیی بۆ بەشێكی زانكۆی پزیشكی درا.
زیاتر گوتی، وەزارەتی خوێندنی باڵا و توێژینەوەی زانستی لە حكوومەتی عێراقی فیدراڵ، رەزامەندیی پێشان داوە بە نووسراوی ژمارە (ت.م٣/ ٩٥٢٣ )، بە ددانپێدان بە كۆلێژی زانستە تەندروستییەكان/ زانكۆی هەولێری پزیشكی بۆ ساڵی خوێندنی 2025-2026.
دەشڵێت، بەم بڕیارە دەرچووانی ئەم كۆلیژە بێبەش نابن لە دامەزراندنی سێ یەكەمەكان، هەروەها هەلی زەمالەی خوێندنی ماستەر و دكتۆرا كە ساڵانە لە حكوومەتی فیدراڵ رادەگەیەنرێت، بەتایبەت دانیشتووی ئەم ناوچانەی سنووری مادەی 140ن.
وەڵام بدەوه