لەبارەی مووچەی مانگی شەش زانیاری هات

ئەنجوومەنی وەزیرانی عێراق كۆدەبێتەوە و چاوەڕوانیش دەكرێت گفتوگۆ لەبارەی مووچەی مانگی شەشی مووچەخۆرانی هەرێی كوردستان بكات. ڕۆژنامەیەكی عەرەبیش رای دەگەیەنێت كە لە چەند ڕۆژی داهاتوودا هەناردەكردنی نەوتی كوردستان دەست پێدەكاتەوە.
ئەمڕۆ ئەنجوومەنی وەزیرانی عێراق كۆدەبێتەوە و چەند تەوەرێك تاوتوێ دەكات كە یەكێك لەو تەوەرانە، یەكلاكردنەوەی مووچەی مانگی شەشی مووچەخۆرانی هەرێمی كوردستانە.

شەوی رابردوو  شاندێکی هەرێمی کوردستان بۆ یەکلاکردنەوەی مووچەی مانگی شەش سەردانی بەغدایان كردووە كە شاندەكە لە د. ئومێد سەباح، سەرۆكی دیوانی سەرۆكایەتیی ئەنجوومەنی وەزیران، د. ئامانج رەحیم، سكرتێری ئەنجوومەنی وەزیران و هەشت بەڕێوەبەری گشتی پێک هاتوون و ئەمڕۆ كۆبوونەوەكانیان لە بەغدا دەست پێ دەكەن.