مەسرور بارزانی، سەرۆك وەزیرانی هەرێمی كوردستان لە میانی چاوپێكەوتنێكیدا لەگەڵ كەناڵی (الشرق): بەداخێكی زۆرەوە كە مووچەی خەڵكی كراوەتە كارتێكی سیاسی یان ببێتە كێشەیەك لە نێوان بەغدا و هەولێر،بەپێی یاسا و بەپێی دەستوور خەڵك مافی ئەوەیان هەیە كە مووچەكانیان بەبێ دواكەوتن و بەبێ هیچ كێشەیەك وەربگرن. بەڵام بەداخەوە كە مووچەی خەڵكی كوردستان وەك كارتێكی سیاسی بەكار دەهێندرێت، ئەمە كارێكی قەبووڵنەكراوە، نادەستووری و نایاساییە و دادگای فیدرالیش بڕیاری داوە كە مووچەی مووچەخۆرانی كوردستان نەبێتە بەشێك لە ململانێی نێوان هەولێر و بەغدا. بەڵام بینیمان بۆ ماوەی سێ مانگ مووچەی مووچەخۆرانی هەرێمی كوردستان دواخرا و لە دوو رۆژی رابردوودا خەرج كرا كە ئەمە مووچەی مانگی ئایار بوو، لە كاتێكدا ئێمە ئێستا لە كۆتایی مانگی تەمووزین. بۆیە پێشبینی دەكەین كە مووچەی حوزەیران و تەمووزیش بێت، بەڵام با راشكاو بم لەگەڵتان، كوردستان وەك قەوارەیەكی فیدرالی مافی ئەوەی هەیە كە بودجەی خۆی لە كۆی بودجەی عێراق هەبێت، ئەمە ڕێگە راستەكەیە. رێگە راستەكە ئەوەیە كە كە هەرێمی كوردستان بەشداریی لە داهاتەكانی عێراق بكات و بودجەی خۆیشی لە كۆی بودجەی عێراق هەبێت. ئێستا وەزارەتی دارایی لە ئاستی فیدرالی دەستێوەردان دەكات لە وردەكاریی مووچە و بودجەی هەرێمی كوردستان ئەوەش پێشێلكارییەكی دەستووری و یاساییە. بۆیە ڕێی چارەسەری كۆتایی و زۆرتر واقیعی ئەوەیە كە ڕێككەوتن لەسەر بودجەی كوردستان لە بودجەی گشتیی عێراق بكرێت.
Hogir Nerwayi
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه