فەرمانگەی میدیا و زانیاریی حكوومەتی هەرێمی کوردستان، ئەمڕۆ هەینی، 25ی تەمووزی 2025 ڕای گەیاند، شاندێکی باڵای حکوومەتی هەرێم لەگەڵ بەرپرسانی باڵای ژووری بازرگانیی ئەمەریکا لە واشنتن کۆبووەتەوە و دووپاتیان لە بەهێزکردنی پێوەندییە بازرگانی و ئابوورییەکان کردووەتەوە.
بەپێی ڕاگەیەندراوەکە، کۆبوونەوەکە ڕۆژی چوارشەم 23ی تەمووز، لەنێوان شاندی هەرێمی کوردستان بە سەرۆکایەتیی سەفین دزەیی، بەرپرسی فەرمانگەی پێوەندییەكانی دەرەوە، و شاندی ژووری بازرگانیی ئەمەریکا بە سەرۆکایەتیی ڕۆس پیرۆ و ستیڤ لوتێس، بەڕێوەچووە. هەریەک لە بەیان سامی عەبدولڕەحمان، ڕاوێژکاری باڵای سەرۆکی حکوومەت و تریفە عەزیز نوێنەری حکوومەتی هەرێم لە واشنتن، ئامادەی کۆبوونەوەکە بوون.
لە کۆبوونەوەکەدا، چەندین بابەتی گرنگی ئابووری و ستراتیجی تاوتوێکراون، لەوانە:
دووبارە کارپێکردنەوەی بۆریی نەوتی عێراق - تورکیا، کە ڕۆڵێکی گرنگی لە ئابووریی هەرێم و عێراقدا هەیە.
پلانی سەردانی شاندێکی باڵای ژووری بازرگانیی ئەمەریکا بۆ هەرێمی کوردستان لە داهاتوویەکی نزیکدا.
بەپێی راگەیەنراوەكەی فەرمانگەی میدیا و زانیاری شاندی حكوومەتی هەرێمی کوردستان سوپاسی ژووری بازرگانیی ئەمەریکای کردووە بۆ هەوڵە بەردەوامەکانیان لە بەرەوپێشبردنی پەیوەندییە بازرگانییەکان و بەرنامە ستراتیژییە ئابوورییە هاوبەشەکان.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه