كۆمەڵەی پیشەسازیی نەوتی كوردستان لە راگەیەنراوێكیدا دەڵێت، پێویستە پەلە بكرێت لە كردنەوەی ئەو بۆڕییە نەوتە و بە دەستپێكردنەوەی ئەو بۆڕییە، 300 هەزار بەرمیل نەوت بۆ بازاڕی دنیا زیاد دەبێت.
ئەمڕۆ پێنجشەم 26ـی حوزەیران، كۆمەڵەی پیشەسازیی نەوتی كوردستان- ئەپیكۆر لە ڕاگەیەنراوێكدا دەڵێت، دووپات لە گرنگی و بە پەلەیی كردنەوەی هێڵی بۆڕیی نەوتی عێراق- توركیا دەكاتەوە.
ئەپیكۆر لە ڕاگەیەنراوەكەیدا دەڵێت، هێڵی بۆڕیی نەوتی عێراق- توركیا، ڕێڕەوێكی هەناردەكردنی سەلامەت لە عێراقەوە بۆ بازاڕەكانی دنیا لە ڕێگەی بەندەری جەیهانەوە دابین دەكات.
ئاماژە بەوەش كراوە، دەستپێكردنەوەی هەناردەكردنی نەوت لە ڕێگەی هێڵی بۆڕیی نەوتی عێراق- توركیاوە، زیاتر لە 300 هەزار بەرمیل بۆ بازاڕی نێودەوڵەتی زیاد دەكات.
ئەپیكۆر دەڵێت، هەر كاتێك دڵنیایی پارەدانمان بۆ هەناردەكانی ڕابردوو و داهاتوو هەبوو، كۆمەڵەی پیشەسازیی نەوتی كوردستان- ئەپیكۆر، ئامادەیە دەستبەجێ هەناردەكردن لە ڕێگەی هێڵی بۆڕیی نەوتی عێراق- توركیاوە دەست پێ بكاتەوە.
وەڵام بدەوه