ئەمریکا لەگەڵ حکومەتی هەرێم تاوتوێی پەرەپێدانی کێڵگەی غازی شیواشۆک دەکات

سەرچاوەیەکی باڵا لە حکومەتی هەرێمی کوردستان ڕایگه‌یاند، بەرپرسانی وەزارەتی وزەی ئەمریکا لە ئێستادا لە هەولێرن و تاوتوێی پلانی پەرەپێدانی کێڵگەی غازی شیواشۆک له‌گه‌ڵ به‌رپرسانی حكومه‌تی هه‌رێم دەکەن. سەرچاوەکە رایگەیاند "کێڵگەی شیواشۆک لە قەزای تەقتەق سەر بە پارێزگای هەولێر یەدەگی بە هه‌شت ترلیۆن پێی سێجا خەمڵێندراوە و بەم نزیکانە پەرەی پێدەدرێت بۆ ئەوەی هاوشێوه‌ی کێڵگەی کۆرمۆر كاری تیادا بكرێت و دواتریش غازه‌كه‌ی هه‌نارده‌ی ئەوروپا بکرێت".
 وەک شوێنگره‌وه‌یه‌كی ئێران لە گۆڕەپانی وزەی عێراق سه‌یر ده‌كرێت، ئەگەرچی بەشێوەیەکی کاتی بێت
ئەو سەرچاوەیە باسی له‌وه‌كردوه‌، کاراکردنی کۆمپانیای وێسترن زاگرۆس لەلایەن حکومەتی هەرێمی کوردستانەوە کە لە چوارچێوەی هاوبەشی هاوبەشی کوردی-عێراقی-ئەمریکی ئەو گرێبەستە ئەنجام دەدات، وەک شوێنگره‌وه‌یه‌كی ئێران لە گۆڕەپانی وزەی عێراق سه‌یر ده‌كرێت، ئەگەرچی بەشێوەیەکی کاتی بێت، وەک ئامادەکارییەک بۆ دەرکردنی دواجار لەم بوارەدا بە هاوکاریی ئەمریکا.
عێراق دەتوانێت پشت بەو غازە ببەستێت، هەروەها لەڕوی داراییەوە سودمەند دەبێت
عێراق دەتوانێت پشت بەو غازە ببەستێت، هەروەها لەڕوی داراییەوە سودمەند دەبێت لە هەناردەکردنی غازی دەرهێنراو لە شیواشۆک و کۆرمۆر بۆ ئەوروپا.
پێشتر حکومەتی هەرێم هەوڵی هەناردەکردنی غازی داوە بۆ ئەوروپا، بەڵام ئێرانییەکان ڕەتیانکردەوە
ئەو سەرچاوەیە ڕونیكرده‌وه‌، پێشتر حکومەتی هەرێم هەوڵی هەناردەکردنی غازی داوە بۆ ئەوروپا، بەڵام ئێرانییەکان ڕەتیانکردەوە، بە بیانوی بونی په‌یوه‌ندی به‌ مۆساد و تۆمەتی دیکە، ئه‌و تۆمه‌تانه‌ش بۆردومانكردنی هەولێری لێكه‌وته‌وه‌.

بەپێی زانیارییەکان، کارەکانی به‌رهه‌مهێنانی غاز لە کێڵگەی كۆرمۆر، کە کۆمپانیای وێسترن زاگرۆسی ئەمریکی گرێبەستەکەی بۆ ئه‌نجامداوه‌، دوای ئەوە دێت کە مەسرور بارزانی، سەرۆکی حکومەتی هەرێمی کوردستان لەم دواییانەدا گرێبەستی لەگەڵ وەزیرانی دەرەوە و وزەی ئەمریکا و ڕاوێژکاری ئاسایشی نیشتمانی ئەمریکا واژۆکرد، وەک ئامادەکارییەک بۆ هەناردەکردنی غاز بۆ ئەوروپا.