سەرچاوەیەک لە بەڕێوەبەرایەتیی گەنجینەی سەر بە وەزارەتی دارایی و ئابووریی حكوومەتی هەرێمی كوردستان، راگەیاند: "لە هەندێك میدیا و تۆڕی كۆمەڵایەتی زانیارییەكی هەڵە بڵاو كراوەتەوە، گوایە مووچەی مانگی پێنج بە جۆرێك مامەڵەی لەگەڵدا دەكرێت، نادرێت و دەفەوتێت."
سەرچاوەكە ئاشكرای كرد: "هەفتەی پێشوو هەموو گەنجینەکان ئامادەکاریی تەواویان کردووە بۆ پێدانی مووچەی مانگی پێنجی ئەمساڵ و چەكی مووچەش ئامادە بوو، بەڵام بەهۆی ئەوەی دارایی عێراق پارەی نەنارد و نەكرا لەنێو مانگی پێنج مووچەی مانگی پێنج بدرێت، بۆیە ناچار رێكارێكی دیكەی حسابیی گیرایە بەر."
گوتیشی: "ئەو رێكارەش لە چەند مانگی پێشووش هەبووە و لیستی مووچە پاكتاو دەكرێت و دەخرێتە (ئەمانات)وە، هەركات مووچەی مانگی پێنج بڕیاری لێ درا ئەوكاتە بە (دەفع)ێكی دیكە چەك رادەكێشرێت و چەك و مووچە دەدرێت."
سەرچاوەكەی گەنجینە جەختی كردەوە، ئەگەر چەكی مووچە ئامادە بێت و مووچە لە مانگی خۆیدا نەدرێت، بەردەوام ئەو رێكارەی بۆ دەگیرێتە بەر، گوتیشی: "ئەو پرسە دوور و نزیك پەیوەندیی بە پاشەكەوت و ئەو بابەتانەوە نییە و ئەمڕۆ پارە بێت چەكەكان رادەكێشرێن و مووچەی وەزارەت و فەرمانگەكان دەدرێت."
وەڵام بدەوه