بەناوی خودای گەورەو میهرەبان
ئەمڕۆ دوای گفتوگۆیەکی دوورو درێژ لەگەڵ خوشک و برایانم لە سەرۆکی فراکسیونە کوردستانییەکان لەبارەی بڕیاری نەناردنی موچەی فەرمانبەرانی هەرێم ، بەسوپاسەوە وەکو هەمیشە بەیەک دەنگ کۆمەڵێک بڕیار درا ، وردەکارییەکەی لە بایاننامەک هەیە کە لێرە دایدەگرم ،
گرنگترینیان ئاراستە کردنی نوسراوێک بو بۆ سەرۆک وەزیران لەسەر ئەو پێشێلکارییانەی دەرهەق بەفەرمانبەرانی هەرێم دەکرێت و چوەتە خانەی برسی کردنەوە ، هەروەها داوامان کرد ئەو پێشێلکارییانە راگرێت و موچە رەوانە بکات و کێشەکان لە بنەرەتەوە چارەسەر بکرێت و چیتر موچە وەکو کارتی سیاسی بەکار نەهێنرێت لەدژی فەرمانبەران و موچە خۆرانی هەرێم ،
جگە لەوە داوامان لە بەرێز سەرۆک کۆمارو وەزیرەکانی کورد کردوە هەڵوێستی رونیان لەو بارەوە بخەنە روو ، هەروەها ئەوەمان رونکردەوە هەلوێستی دواترمان بەندە بەشێوازی وەڵامدانەوەی سەرۆک وەزیران بۆ ئەو داوایەی ئێمە ،
لەکۆتاییدا لەسەر بابەتی کشانەوە یان بایکۆتی ئێمە لەبەغدا چەند جارێک داوامان کردوە ئەو بریارە بدرێت بەڵام هەمیشە بوار بەگفتوگۆ دەدرا و ئومێد وابو کێشەکان چارەسەر بیت ، بۆیە هەرکات بڕیاری بایکۆت یان پاشەکشە یان هەربڕیارێکی تر دەربچێت ئێمە بەتایبەتی خۆم لەماوەی یەک کاتژمێر جێ بەجێی دەکەم و پێشم وایە کاتێتی .
شاخەوان عەبدوڵڵا
جێگری سەرۆکی پەرلەمانی عێراق
وەڵام بدەوه