پارتی چاکسازی تورکمان پێوستە هەڵوێستی جدی بەرامبەر بەغدا وەربگرین

ڕاگەیاندراوێک لە پارتی چاکسازی تورکمان

هاوڵاتیانی خۆشەویستی هەرێمی کوردستان بەداخەوە حکومەتی عێراقی فیدراڵ بەردەوامە لە سزادانی هاوڵاتیانی هەرێمی کوردستان و مادەکانی دەستور پێشێڵ دەکات  و پاشگەز دەبێتەوە لە رێککەوتنەکان بە بیانوی بێ پاسا و بێ بنەما کەلەسەر مووچە ە شایستە داراییەکان ئەنجام درابوون، بەغدا مووچەی کردۆتە کارتێکی سیاسی بۆ لاوازکردن و دژایەتیکردنی حکومەتی هەرێمی کوردستان و خەڵکەکەی.

وەک پارتی چاکسازی تورکمان بەپێویستی دەزانین کە هەڵوێستی جدی بەرامبەر بۆ ئەو پێشێڵکارییانەی حکومەتی فیدراڵی وەربگیرێت و داواکاریشن کە کۆی لایەنە سیاسیەکان یەکریزی و هاوئاهەنگ بن لە بەغداد و هەرێمی کوردستان واز لە کێشەکانی ناوخۆ بهێنن، چونکە تاکە رێگەی بەهێزیمان و سەرکەوتنمان یەکریزییە، هەر لەو رێگەشەوە دەتوانین سەرجەم مافەکانمان بەدەست بهێنین.

پارتی چاکسازی تورکمان
٢٩ی ئایاری ٢٠٢٥