پێشبینی دەكرێت سبەی پێنجشەممە شەپۆڵی خۆڵبارین لە هەرێمی كوردستان كۆتایی پێ بێت و پلەكانی گەرماش بەڕێژەیەكی بەرچاو روو لە دابەزین بكەن.
ئاراس جەبار شارەزای كەشناسی رایگەیاند: ئەمڕۆ چوارشەممە شەپۆڵێکی خۆڵبارین ناوچە سنوورییەکانی رۆژئاوای عێراق و چەند ناوچەیەكی هەرێمی كوردستانی گرتووەتەوە و پێشبینی دەكرێت لە چەند كاتژمێری داهاتوودا چری خۆڵبارینەکە زیاتر ببێت.
راشیگەیاند: پێشبینی دەكرێت لە سبەی پێنجشەممەوە لە هەرێمی كوردستان پلەکانی گەرما بەراورد بە ئەمڕۆ چواشەممە 5 تا 7 پلە نزم ببنەوە، هەروەها خۆڵبارینش لە کاتەکانی نیوەرۆی سبەی پێنجشەممە کاریگەرییەكەی کەم دەبێتەوە و کۆتایی پێ دێت .
شارەزاكەی كەشناسی ئاماژەی بەوەش دا كە کاریگەری ئەو بارستە ھەوا فێنکە تا رۆژی یەکشەممەی داهاتوو لە هەرێمی كوردستان بەردەوام دەبێت و پلەکانی گەرما هەر بە نزمی دەمێننەوە.
وەڵام بدەوه