شارەزایەکی بواری کەشناسی ئاشکرای کرد کە لە ڕۆژانی شەممە و یەکشەممەی داهاتوو تاوەبارانی ماوەکورتی بەهاری بە هەورەبرووسکە و تەرزەوە بەشێک لە ناوچە شاخاوییەکانی هەرێمی کوردستان دەگرێتەوە.
ئەمشەو هەینی 23/5/2025، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "لەسبەینێوە لە کاتەکانی پێش نیوەڕۆ بۆ ئێوارە لە ئەنجامی هەڵگەڕانەوەی هەوری کەڵەکەبووی باراناوی لە ناوچەکانی ڕۆژهەڵاتی کوردستان و باکووری کوردستان بۆ بەشێک لە ناوچە شاخاوییەکانی هەولێر، دهۆک، ئیدارەی سۆران، ئیدارەی ڕاپەڕین، بەشێک لە ناوچەکانی باکووری خۆرهەڵاتی سلێمانی، هەڵەبجە و هەندێ لە ناوچەکانی خۆرهەڵاتی گەرمیان ئەگەری چالاکبوونی هەورەبرووسکە و تاوەبارانی بەهاری کورتخایەن و تەرزە هەیە."
ئەوەشی خستووەتە روو: "پلەکانی گەرما 1 تا 2 پلەی سیلیزی دادەبەزێت، بەڵام هەرگەرم دەبێت تیشکی سەروویی وەنەوشەیی ڕێژەکەی بەرزە هەست بەگەرمای بێزارکەر دەکرێت و خێرایی باش زیاد دەکات لە تەواوی ناوچەکانی هەرێمی کوردستان و عێراق ئەگەری دروستبوونی تۆزوبای ناوخۆیی یاخود گەردەلوولی خۆڵبارین هەیە و بەپێی کات و شوێنیش دەگۆڕێت."
وەڵام بدەوه