شەپۆلێکی باران بەڕێوەیە

نوێترین زانیاری لەبارەی بارانبارینی ئەمشەو گەیشت

سالار حاجی عەلی شارەزای کەشناسی رایدەگەیەنێت، شەپۆلێکی باران بارین ڕوو لە ناوچەکانی  عێراق و هەرێمی کوردستان دەکات .

دەشڵێت، سەرچاوەی ئەم شەپۆلە دوو  نزمە پاڵەپەستۆی چڕ دەریای سپی ناوەڕاست و لە دەریای سور دەبێت.

لەبارەی کاتی بارانبارین دەڵێت، سەرەتای هاتنی ئەم شەپۆلە لە ئێوارەی ئەمڕۆ ڕۆژی 04ی نیسانی ساڵی 2025 هەور دێتە ناوچەکان
لە پەڵە هەور دروست دەبێت دواتر، دەگۆڕێت بۆ هەوری تەنک و هەوری پڕی تەواو ، لەگەڵ ئەوەش دا نمەباران و لەگەڵ ڕۆشتنی کات بارانی بەخۆر دەست پێ دەکات، هاوکات خێرایی بای بارشت زیاد دەکات.

بە گوتەی ئەو شارەزایەی کەشناسی هەندێک جار لەگەڵ کاریگەری بەردەوامی ئەم شەپۆلە ، بارانێکی زۆر و هەورە بروسکەو شەستەباران لە هەندێک ناوچە چڕبوونەوەی هەوری پڕ تەرزە دەبارێت، لافاو لە هەندێک ناوچە دروست دەبێت
لە هەمان ڕۆژە دا واتا ڕۆژی شەممە 05 ی نیسان لە هەر پێنج شارەکەی هەرێمی کوردستان باران بەبڕی جیاواز  دەبارێت ،
هەروەها لە ناوچەکانی گەرمیان بارانی باش دەبارێت.

روونی کردووەتەوە، ماوەی کاریگەری ئەم شەپۆلە تا نیوەی شەوی شەممە لە سەر یەکشەممە بەردەوامی دەبێت ، دواتر شەپۆلەکە دوور دەکەوێتەوە لە سەر ناوچەکان جگە لە هەوری ناوخۆی، لەگەڵ ئەوەش دا ڕێژەی  باران  15بۆ 60 ملیم باران دەبارێت
بەڵام لەبەر گۆڕانکاری خێرا ڕێژەکە کەم بۆ زۆر دەگۆڕێت.