کۆمەڵەی پێشەسازیی نەوتی کوردستان (ئەپیکور) پەیامێکی نوێی لەبارەی دەسپێکردنەوەی ھەناردەکردنی نەوتی ھەرێمی کوردستان بڵاو کردەوە.
کۆمەڵەی پێشەسازیی نەوتی کوردستان لە پەیامێکدا لە ھەژماری فەرمیان لە تۆڕی کۆمەڵایەتی (ئێکس) لەبارەی دەسپێکردنەوەی ھەناردەکردنی نەوتی ھەرێمی کوردستان رایگەیاندووە: "ئێمە زۆر پەلەمانە بۆ دەستپێکردنەوەی ھەناردەکردنەوەی نەوت، و ھەمیشە ھەوڵی ئەوەمان داوە بۆ گفتوگۆکردن لەگەڵ بەغدا."
ئاماژە بەوەش دراوە: "کاری وەبەرهێنمان بەشێوەیەکی بنەڕەتی زیانیان پێگەیشتووە بەهۆی راگرتنی بۆریی نەوتی عێراق-تورکیا و ناچاربووین نەوت بە نرخێکی زۆر کەمتر لە نرخی جیهانی بیفرۆشین. نرخی جیهانی دوو هێندەی نرخی فرۆشتنە لە بازاڕە ناوخۆیییە."
لەدرێژەی پەیامەکەیاندا ئەپیکور دەڵێت: "وەستاندنی ھەناردەکردنی نەوت بووەتە ھۆی راگرتنی کاری وەبەرھێنانی کۆمپانیاکانی ئەندامی ئەپیکور بەبەھای 400 ملیۆن دۆلار."
لە کۆتایی روونکردنەوەی ئەپیکور ھاتووە: "ئێمە ئامادەین بۆ دەستپێکردنەوەی ھەناردەکردنەوەی نەوت دوای رێککەوتن لەگەڵ حکوومەتی عێراق و حکوومەتی هەرێمی کوردستان، پاراستنی مافەکانمان زۆر گرنگە، ئەم خاڵەشمان گەیاندووە بە هەموو لایەنەکانی پەیوەندیدار."
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه