لەبارەی مووچەی خانەنشینان زانیاری گەیشت

كاركردن لە مووچەی خانەنشینان كە ژمارەیان زیاتر لە 25 هەزار خانەنشینی نوێیە بەردەوامە، بۆ مووچەی مانگی چواریش كارەكانیان تەواو نابێت.

ئەمڕۆ پێنجشەم سێی نیسان، سەوسەن رەسووڵ لە كۆمەڵەی خانەنشینان،  رایگەیاند، مامەڵەی خانەنشینان لە مانگی رەمەزانیش بەردەوام كاری لەسەر كراوە.

زیاتر گوتی، بۆ ئەم مانگەش مامەڵەكەیان تەواو نابێت، چونكە ژمارەیان زیاتر لە 25 هەزار كەسە، بەڵام دڵنیایی بەوانە دەدەین هیچ مافێكیان نافەوتێت و سەرجەم ئەو مووچانە وەردەگرن.

باسی لەوەش كرد، ئەگەر كارەكان لەم مانگەا زیاتر چڕ بكرێنەوە، پێشبینی دەكرێت لە مووچەی مانگی پێنج مووچەكانیان بۆ ببەسترێت و كارەكانی خانەنشینان تەواو بكرێت.

ئەوە لە كاتێكدایە لە سەرەتای ئەمساڵدا بڕیاری جێبەجێكردنی یاسای خانەنشینی دەرچوو، بەپێی بڕیارەكە، نزیكەی 30 هەزار فەرمانبەر و مامۆستا لە هەرێمی كوردستان خانەنشین بوون