ئاگاداریەکی گرنگ بۆ هاوڵاتیانی هەژار هات

وەزارەتی کار وکاوباری کۆمەڵایەتی ئاشکرای دەکات نووسینگەکانی بەکارخستن و هەلی کار تەنیا بۆ یەکجار بۆیان هەیە بڕێک پارە لە کرێکار وەربگرێت بە مەرجێک لە ڕێژەى25%لە کرێی یەک مانگى کرێکار تێپەڕ نەکات بەرامبەر دۆزینەوەى هەلى کار بۆی.
ڕاگەیاندنى بەڕێوەبەرایەتیی گشتیی کار و دەستەبەرى کۆمەڵایەتى، بڵاوی کردەوە، بەپێی ڕێنوێنیی نووسینگەکانى هەلى کار بۆ بەکارخستنى کرێکارى خۆماڵى بۆیان هەیە پارەیەکی کەم لە کارخوازان وەربگرن.
ئەوە هاتووە: "نووسینگەى بەکارخستن بۆى هەیە تەنیا بۆ یەکجار بڕێک پارە لە کرێکار وەربگرێت، بە مەرجێک لە ڕێژەى25% لە کرێی یەک مانگى کرێکار تێپەڕ نەکات بەرامبەر دۆزینەوەى هەلى کار بۆی."
جەخت کراوەتەوە: "نووسینگەی بەکارخستن تەنیا یەکجار پارە لە کرێکار وەردەگرێت، ئەمەش دواى ئەوەى هەلى کارى بۆ دەدۆزێتەوە و دایدەمەزرێنێ."
بەڕێوەبەرایەتیی گشتیی کار و دەستەبەرى کۆمەڵایەتى،ڕوونی کردووەتەوە، وەرگرتنى پارەى پێشەکى و هەر بڕە پارەیەکى دیکە لە کارخوازان، پێچەوانەى ڕێنوێنییە و لە کاتى بوونى هەر حالەتێکى لەم جۆرە، داواکارن لە ڕێگەى هێڵەکانى هۆشیاری کرێکاران ئاگاداریان بکەنەوە. بەو ژمارانە: هێڵى هۆشیارى کرێکاران: (07721225500 - 07511225500 - 5500) پەیوەندى، واتسەپ، ڤایبەر.
نووسینگەکانى بەکارخستنى کرێکارى خۆماڵى لە کەرتى تایبەت بەپێی ڕێنوێنی ژمارە 1ى ساڵى 2018 چەندین نووسینگەى ناحکوومى تایبەت بە دۆزینەى هەلى کار لە کوردستان هەیە، کە ناوەکانیان لە پۆرتاڵی کار (kar.molsa.gov.krd) داندراوە و خاوەنى مۆڵەتى فەرمیی وەزارەتى کاربەڕێوەبەرایەتى گشتى کار و دەستەبەرى کۆمەڵایەتی