مووچەی ئەو فەرمانبەرانە دابەشدەکرێت

سبەی چوارشەممە مووچەی مامۆستایانی گرێبەستی وەزارەتی پەروەردەو خوێندنی باڵا دابەش دەکرێت

وەزارەتی دارایی و ئابووری هەرێمی کوردستان ڕایگەیاند؛ ڕۆژی چوارشەممە ( ١٩ی ئازاری ٢٠٢٥ ) مووچەی مانگی شووباتی مامۆستایانی گرێبەستی وەزارەتی پەروەردە لە سنووری پارێزگای سلێمانی و مووچەی مانگی شوباتی ساڵی ٢٠٢٥ و کرێی وانەبێژی مانگی ئابی ساڵی ٢٠٢٤ ی مامۆستایانی گرێبەستی وەزارەتی پەروەردە لەسنووری پارێزگای هەولێر و دهۆک دابەش دەکرێت.         

وەزارەتی دارایی ڕاشیگەیاندووە؛ هاوکات ڕۆژی چوار شەممە ١٩ ی ئازاری ٢٠٢٥ مووچەی مانگی کانوونی دووەمی ساڵی ٢٠٢٥ ی مامۆستایانی گرێبەستی وەزارەتی خوێندنی باڵا لەسەرتاسەری هەرێمی کوردستان دابەش دەکرێت، کەسەرجەمیان تەمویلیان لەسەر داهاتی ناوخۆ خەرج دەکرێت.