بریكاری وەزارەتی نەوتی عێراق رای گەیاند، لە كۆتایی ساڵی 2027دا وەبەرهێنان لە غازی هەرێمی كوردستان دەست پێ دەكات.
د. عیزەت سابیر بریكاری وەزارەتی نەوتی عێراق، بە رۆژنامەی سەباحی راگەیاندووە، سەرجەم پڕۆژەكانی پێوەست بە وەبەرهێنانی غازی سروشتی لە هەرێمی كوردستان، رەوانەی كۆمپانیا نێودەوڵەتییەكان كراون.
عیزەت سابیر ئەوەشی گوت، لە كۆتایی ساڵی 2027 دەست بە كارەكانیان دەكەن، لە قۆناغی یەكەمدا 300 ملیۆن پێ سێجا غازی سروشتی بەرهەم دەهێنرێت.
هەروەها لەبارەی عێراقیش گوتوویەتی، كۆمپانیاكان توانیویانە بەفیڕۆچوونی غاز بەڕێژەی 13% لە كێڵگەكانی ناوەڕاست و باشووری عێراق كەم بكەنەوە، وەبەرهێنانیش لە غازی سروشتی بەڕێژەی 67% بەرز بكەنەوە كە پێشتر 53% بوو.
وەڵام بدەوه