ئه‌مڕۆ و سبه‌ی مووچه‌ی ئه‌م شوێنانه‌ دابه‌شده‌كرێت

وه‌زاره‌تی دارایی و ئابووری حكوومه‌تی هه‌رێمی كوردستان، له‌دابه‌شكردنی مووچه‌ی مانگی هه‌شتی دام و ده‌زگاكان به‌رده‌وامه‌ و ژماره‌یه‌ك شوێنی دیكه‌ مووچه‌ وه‌رده‌گرن. 
به‌گوێره‌ی خشته‌ی راگه‌یاندراوی وه‌زاره‌ت، ئه‌مڕۆ چوارشه‌ممه‌ 7 ى 9 ى 2022، مووچه‌ی وه‌زاره‌تی كاروباری شه‌هیدان و ئه‌نفالكراوان، كه‌س و كاری شه‌هیدان، زیندانه‌ سیاسییه‌كان دابه‌شده‌كرێت. 
هه‌ر به‌گوێره‌ی خشته‌ی راگه‌یاندراوی وه‌زاره‌تی دارایی سبه‌ی پێنجشه‌ممه‌ 8 ى 9 ى 2022، مووچه‌ی وه‌زاره‌تی په‌روه‌رده‌ دابه‌شده‌كرێت. 
وه‌زاره‌تی دارایی و ئابووری حكوومه‌تی هه‌رێمی كوردستان، رۆژی پێنجشه‌ممه‌ی هه‌فته‌ی رابردوو، 1 ى 9 ى 2022، ده‌ستی به‌دابه‌شكردنی مووچه‌ كرد و له‌ده‌ستپێكدا وه‌زاره‌تی ته‌ندروستی وه‌ریگرت.  
بەگوێرەی لیستەكە دابەشكردنی مووچە بەردەوام دەبێت تا ڕۆژی 21 و 22ی 9 كە دوا وادەی دابەشكردنی مووچەی خانەنشینانی پێشمەرگە دەبێت.