حكومەتی هەرێمی كوردستان بڕیاری دا سبەی لیستی مووچەی مانگی دوو بۆ وەزارەتی دارایی عێراق بنێرێت، لیستەکە بە سیستمی پەیڕۆڵ ئامادەکراوە و سەرجەم کێشەکانی چارەسەر کراون. هیوا ئەفەندی، سەرۆکی فەرمانگەی تەکنەلۆژیای حکومەتی هەرێمی کوردستان ڕاگەیاند:
لە 20ی ئەم مانگەدا بەغدا داواکارییەکی بۆ ناردین و وتی، هەرچی فەرمانبەرێکی دیکە هەیە بۆ خانەنشین بوون جیای بکەنەوە، هاوکات ناوی فەرمانبەرانی مەدەنی و سەربازیش کرا بە یەک لیست و بە سیستمی پەیڕۆڵ نزیکەی 680 هەزار کەس تۆماركراوە، بۆیە لیستی مووچەی مانگی دوو کەمێک دواکەوت.
وەزیری دارایی عێراق داوای لە وەزارەتی دارایی هەرێمی کوردستان کردووە داتای سەرجەم مووچەخۆران دووبارە بنێرنەوە و بیخەنە سیستمی پەیڕۆڵەوە.
سبەی لیستی مووچەی مانگی دوو دەنێرین و هیچ کێشەیەک نەماوە لە لیستی مووچە.
لیستی مووچەی مانگی 2 دەكرێتە بنەمای مووچەی ئەمساڵ و بەهۆی ڕاگرتنی سەرمووچە و پلەبەرزكردنەوە و گواستنەوە لەلایەن بەغداوە، بۆیە بۆ ئامادەکردنی لیستی مانگەكانی دیكە ئاسانتر دەبێت.
ئەو فەرمانبەرانەی كەسوكاری شەهیدان بوون و بە هەڵە خانەنشین كرابوون، بۆ ئەم مانگە خراونەتەوە ناو لیستی مووچەی فەرمانبەرانەوە.
وەڵام بدەوه