نەوتى هەرزان دابەش دەکرێت و نرخەکەى بزانە ؟

کاروانی یەکەمی ئەو نەوتەی بەغدا ناردوویەتی، سبەی لە هەولێر و سۆران دابەش دەکرێت. لە هەولێر هاوڵاتیان لە بەنزینخانەکان وەریدەگرن، لە سۆران تەنکەرەکان دەچنە بەردەم ماڵەکان.

 وەزارەتی نەوتی عێراق ڕەزامەندنی لەسەر 50 ملیۆن لیتر نەوتی سپی وەک پشکی هەرێمی کوردستان داوە کە دەکاتە ڕێژەی (19%)ی بڕەکە، لە ناوچە شاخاوییەکانەوە بۆ سەنتەری پارێزگاکان درێژ دەبێتەوە و ئامانجەکە ئەوەیە سەرەتا بدرێتە خێزانەکانی ناوچە شاخەواییەکان ئەگەر بەشی کرد دەگوازرێتەوە سەنتەری شارەکان.

فەلاح مەحموود، بەڕێوەبەری گشتیی وەبەرهێنانی کانزایی لە وەزارەتی سامانە سرووشتییەکان ڕایگەیاند ، "ئەو نەوتەی هاتووە پشکی هەولێرە، سبەی لە هەریر و چۆمان پرۆسەکە دەست پێدەکات و شەش بەنزینخانە لە هەریر تا پیرمام دیاریکراون بۆ ئەوەی هاووڵاتیان بەرمیل ببەن و نەوت وەربگرن."

هەر خێزانێک 100 لیتر نەوتی پێدەدرێت، تەنیا پارێزگای هەولێر پێویستی بە 105 ملیۆن لیتر نەوت هەیە، بەڵام تەنیا 15 ملیۆن و 800 هەزار لیتری بۆ دەنێردرێت.