مەسروور بارزانی جێگری سەرۆكی پارتی دیموكراتی كوردستان، پیرۆزبایی دامەزراندنی كەناڵی كوردستان تیڤی لە تەواوی كارمەندانیان دەكات و رای گەیاند، كوردستان تیڤی ڕۆڵێكی دیاری لە داكۆكیكردن لە پرس و دەستكەوتە نیشتمانییەكان و قەوارەی دەستووری هەرێمی كوردستان هەبووە
ئەمڕۆ شەموو 18ـی كانوونی دووەم، لە پەیامێكی مەسروور بارزانی جێگری سەرۆكی پارتی دیموكراتی كوردستاندا هاتووە، بە بۆنەی 26مین ساڵیادی دامەزراندنی كەناڵی كوردستان تیڤی، پیرۆزبایی لە بەڕێزان سەرپەرشتیاری گشتی و بەڕێوەبەر و گشت كارمەندانی دەزگای سەتەلایتی كوردستان دەكەم و هیوای سەركەوتن و پێشكەوتنی زیاتریان بۆ دەخوازم.
دەشڵێت، كوردستان تیڤی یەكەمین كەناڵی تەلەڤزیۆنی سەتەلایتی كوردستانییە كە لە كوردستانەوە دەستی بە پەخش كرد و وەك كەناڵێكی نیشتمانی، ڕۆڵێكی دیاری لە داكۆكیكردن لە پرس و دەستكەوتە نیشتمانییەكان و قەوارەی دەستووری هەرێمی كوردستان هەبووە و ئەركی پیشەیی و میدیایی خۆی، بە شێوەیەكی ڕاستگۆییانە جێبەجێ كردووە و خزمەتێكی زۆری هونەر و كولتووری كوردی كردووە.
لە كۆتایی پەیامەكەیدا هاتووە، دەستخۆشی لە گشت كارمەندانی كوردستان تیڤی دەكەم و هیوای سەركەوتنیان بۆ دەخوازم.
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه