بەڕێوەبەرایەتیی دابەشكردنی خۆراك دەڵێت، دابەشكردنی بەشەخۆراكی كۆتایی ساڵ دەكەوێتە ساڵی نوێ و چەند مادەیەكی لەخۆ گرتووە.
ئەمڕۆ شەموو 28ـی كانوونی یەكەم، لە روونكردنەوەیەكی بەڕێوەبەرایەتیی بازرگانیی كەلوپەلی خۆراكی هەولێرا هاتووە، هاووڵاتییان و بریكارانی خۆراك ئاگادار دەكەینەوە، هەرچەندە پشووی فەرمییە لە سەرجەم داودەزگاكانی حكوومەت، بەڵام بەشێك لە فەرمانبەرانی بەڕێوەبەرایەتیی خۆراك و كۆمەڵگەی كۆگەكان، دەوامی ئاسایی خۆیان دەكەن بۆ دابەشكردنی بەشەخۆراكی مانگانەی هاووڵاتییان، ئەمەش لەبەر بەرژەوەندیی هاووڵاتییان.
باس لەوەش كراوە، ئەم بەشەخۆراكەی دابەش دەكرێت، سەبەتەی نۆیەمی ساڵی/ 2024 لەسەر لیستی مانگی 12 / 2024 بووە.
ئاماژە بەوەش كراوە مادەكان پێكهاتوون لە:
زەیت یەك لیتر، شەكر یەك كیلۆ، برنج سێ كیلۆ، نیسك نیو كیلۆ، ئارینۆك نیو كیلۆ و دۆشاوی تەماتە 400 گرام.
روون كراوەتەوە، ئێستە "برنج + شەكر + نیسك + ئارینۆك" لە 100% دابەش كراوە و تەنیا زەیت و دۆشاوی تەماتە لەبەر جەردی سەری ساڵ، دەكەوێتە هەفتەی داهاتوو.
وەڵام بدەوه