بەشێكی دیكەی پارەی گەنمی ئەمساڵی جووتیاران لە هەولێر و دهۆك و كۆیە دابەش دەكرێت و بەرێوەبەری سایلۆ سلێمانیش ئاشكرای دەكات، بانكێكی عێراقی هۆكاری دواكەوتنی خەرجكردنی پارەی گەنمی جووتیارانی سلێمانییە.
سایلۆی هەولێر بڵاوی كردەوە: "سبەی دووشەممە 2024/12/23، ئەو جووتیارانەی لە زنجیرە چوار هەزار و 501 تاوەكوو چوار هەزار و 708 کە گەنمەکانیان رادەستی سایلۆی هەولێر کردووە لە سایلۆی هەولێر چەک وەردەگرن."
ئاماژە بەوە كراوە، ئاگاداری جووتیارانی شاری کۆیە دەکەنەوە سبەی 2024/12/23 دابەشکردنی چەکی جووتیاران دەستپێدەکات لە زنجیرە 601 تاوەكوو 725 كە گەنمەکانیان رادەستی گۆرەپانی کۆیە کردووە لە سایلۆی قوشتەپە چەک وەردەگرن و پارەکانیان لە بانکی بەحرکە وەردەگیرێت.
نەسرین عەلی، بەڕێوەبەری سایلۆی سلێمانی، لە لێدوانێكی رۆژنامەوانیدا لە بارە دواكەوتنی پارەی گەم لە سلێمانی رایگەیاند: "ماوەی هەفتەیەكە چەکی پارەی گەنمی جووتیارانمان ناردووە بۆ بانکی هەرێم تاوەکوو لەوێوە بنێردرێتەوە بۆ بانکی رافیدەین و بەڵگەنامەی پەسەندکراو بنێرێتەوە دەست بە دابەشکردنەکە بکرێت، بەڵام تاوەکوو ئێستا هیچ وەڵامێکی چەکەکە لە بانکی رافیدەینەوە نەگەڕاوەتەوە، ئەمەش دابەشکردنەکەی راگرتووە."
ئاماژەی بەوەش دا، لەگەڵ نوێنەرانی کورد لە بەغداد گفتوگۆیان کردووە و لەهەوڵی چارەسەرکردنی کێشەکەدان.
لای خۆیەوە شێروان ئەسڵان، بەڕێوەبەری ژمێریاریی سایلۆی شێخان رایگەیاند: "دابەشكردنی پارەی گەنمی جووتیاران لای ئێمە بەردەوامە و هەوڵدەدەین ئەم هەفتەیە ئەو پارەیەی هاتووە دابەشی بكەین.
لە رۆژی 19ی12ی2024 لە هەولێر و دهۆك دەست بە دابەشكردنی چەکی دوا بڕەپارەی گەنمی جووتیاران كراوە، كە بڕی پارەکە بە گشتی 125 ملیار و 852 ملیۆن دینارە، بۆ سلێمانی 47 ملیار و 642 ملیۆن دیناره، بۆ هەولێر 44 ملیار و 45 ملیۆنە، بۆ دهۆکیش 34 ملیار و 165 ملیۆن دیناره.
وەڵام بدەوه