ئەمڕۆ مووچەی ئەو توێژە دابەش دەکرێت

بڕیارە لە سنووری پەروەردەی سلێمانیی وەک یەکەم سنووری پەروەردە لە هەرێمی کوردستان دەست بە دابەشکردنی مووچەی مامۆستایانی وانەبێژ بکرێت.
 
ئەمڕۆ یەکشەممە دەست بە دابەشکردنی مووچەی مامۆستایانی وانەبێژ دەکرێت و بانکی نیشتمانی سلێمانی مامۆستایان ئاگادار دەکاتەوە، هاوکات دوای سلێمانی مووچەی مامۆستایانی وانەبێژ لە هەولێر و دهۆک دابەش دەکرێت.
 
 کارۆخ عەبدوڵڵا، نوێنەری مامۆستایانی وانەبێژ ڕایگەیاند: بانکی نیشتمانیی لە سلێمانی ئاگاداری کردووینەتەوە بەوەی شایستە داراییەکانی مانگەکانی حەوت و هەشتمان وەربگرین کە بڕی 400 هەزار دینارە.
 
مامۆستایانی وانەبێژ کە دوای بڕیارەکەی سەرۆکوەزیران مەسرور بارزانی ئێستا بوونەتە گرێبەست، بڕی 200 هەزار دیناریان هەبووە.
 
 بە بڕیاری سەرۆکوەزیران، مانگی ئابی ئەمساڵ نزیكەی 40 هەزار مامۆستای وانەبێژ لە وەزارەتی پەروەردە کرانە گرێبەست