رۆژنامه‌نووسێكی سلێمانی ئاماژه به‌وه ده‌كات كه ئه‌وه‌ی یه‌كێتیی نیشتمانیی كوردستان ده‌یكات له سلێمانی، ده‌رئه‌نجامی رەوشی خراپی یەكێتییە بەهۆی رووداوە گەورەكانی ناوچەكەوە، لەبەر ئەوە هەموو هەوڵێك دەدات كە خەڵكی بە بایكۆتكردنەوە سەرقاڵ بكات.
ئەمڕۆ شەممە، لە بەشێك لە شەقامەكانی سلێمانیدا هیچ كارمەندێكی هاتوچۆ نەبیندران، هۆكارەكەشی بۆ ئەوە گەڕێندرایەوە گوایە كارمەندانی هاتوچۆ بایكۆتیان كردووە.
لەمبارەیەوە چۆمان خه‌سره‌و، ڕۆژنامەنووس لە سلێمانی ڕایگەیاند "یه‌كێتی له راكێشانی په‌كه‌كه بۆ سلێمانی و هێنانی گرووپه چه‌كداره‌كان بۆ شارەكە شكستی هێناوە و ئەو گرووپانە نەیانتوانیوە سوودێك بە یەكێتی بگەیەنن، بۆیە ئەو حزبە په‌نا بۆ سیناریۆی دیكه ده‌بات."
ڕوونیشی كردەوە: "خەڵكی سلێمانی هۆشیارن و باش دەزانن كە دواكەوتنی مووچە، بە پلەی یەكەم دەسەڵاتدارانی بەغدا لەپشتیەوەن و بە پلەی دووەمیش ئەو حزبە خۆفرۆشانەی بەردەوام پاساو بۆ تاوانەكانی دەسەڵاتدارانی بەغدا هەمبەر بە خەڵكی كوردستان دەهێننەوە بەرپرسیارن، بۆیە بایكۆتی دامەزراوەكانی حكوومەت لە سلێمانی پیلانی یەكێتییە و هەموو خەڵك دەزانێت هێزە ئەمنییەكان هیچ كات بایكۆت ناكەن ئەگەر بە فەرمانی یەكێتی نەبێت. بەشێك لە بەڕێوەبەرەكانی حكوومه‌ت له سلێمانی خۆیان فشار له فه‌رمانبه‌ران ده‌كه‌ن بۆ بایكۆت، خه‌ڵك له‌م ده‌سته‌ی یه‌كێتی باش تێدەگات، بەڵام لەبەر ئەوەی هەڕەشەی جۆراوجۆر و بەتایبەتیش هەڕەشەی نانبڕین لە خەڵك دەكەن، ئیتر خەڵك بە دەمیانەوە دەچێ و بەناچاری لە هەندێك شوێن بایكۆت دەكەن."
ئەو ڕۆژنامەنووسە دووپاتی كردەوە: "بەپێی زانیارییەكان، یەكێتی هەڕەشەی لە كارمەندانی هاتوچۆ كردووە كە هەر كەس دەوام بكات سزای دەدات."
ئەوەشی ئاشكرا كرد: "هۆكاری ئەوەی یەكێتی دەیەوێ بایكۆت بكرێ ئەوەیە كە خەڵك ئاگای لەو شكست و رووداوە گەورانەی ناوچەكە نەبێت كە بەئاشكرا دیارە چی دەگوزەرێت، هەروەها یەكێتی دەیەوێ لە كابینەی تازەی حكوومەت، پشكی زیاتر لە هەقی خۆی پێبدرێت، لە كاتێكدا یەكێتی لە هەموو بازنەكان لەگەڵ نەوەی نوێ مونافسە، كەچی دەیەوێ بەقەد پارتی پۆستی پێ بدرێ."
وەڵام بدەوه