لەسەر ڕاسپاردەی سەرۆك بارزانی، شاندێكی پارتی بۆ گفتوگۆكردن لەپێناو دروستكردنی كۆدەنگییەكی نەتەوەیی و نیشتمانی، كە دواجار لە خزمەت خەڵكی كوردستاندا بشكێتەوە، لەسەر یەكەم كۆبوونەوەی پەرلەمان و پێكهێنانی كابینەی دەیەمی حكوومەتی هەرێمی كوردستان سەردانی هەموو لایەنە سیاسییەكانی كوردستان دەكات.
لەمبارەیەوە، د. پشتیوان سادق، ئەندامی مەكتەبی سیاسیی پارتی دیموكراتی كوردستان ڕایگەیاند: "ئەمڕۆ ئێوارە لە شاری سلێمانی، شاندی پارتی دیموکراتی کوردستان لەگەڵ بزووتنەوەی گۆڕان کۆبووینەوە."
ئاماژەی بە ناوەرۆكی دانیشتنەكەی نێوان شاندی پارتی و گۆڕان كردووە و ڕایشدەگەیەنێت، كە لە دانیشتنەكەدا، "گفتوگۆی یەکەم دانیشتنی پەرلەمان و پێکهێنانی کابینەی دەیەمی حکوومەتی هەرێمی كوردستان کرا."
ئەوەشی خستووەتە ڕوو، كە "پارتی دیموکراتی کوردستان لەسەر ڕاسپاردەی جەنابی سەرۆک بارزانی لەگەڵ هەموو لایەنەکان گفتوگۆ دەکات لەپێناو کۆدەنگی نیشتیمانی و خزمەتکردنی خەڵکی کوردسان."
وەڵام بدەوه