کۆبونەوەیەکی گرنگ لەپێناو چارەسەر کردنی کێشەی موچەی فەرمانبەرانی هەرێم …
ئەمڕۆ هاوڕێ لەگەل خوشک و برایانم لەسەرۆکی فراکسیونە کوردستانییەکان سەردانی سەرۆکی دادگای ئیتحادیمان کردو لەلایەن بەرێز دادوەر جاسم عمیری سەرۆکی دادگاکەوە بەسوپاسەوە پێشوازییەکی گەرم کراین ، جیا لەباسکردنی پەیوەندی نێوان هەردوو دەسەلاتی دادوەری و دەسەلاتی یاسادانان زۆر بەڕوونی باسمان لەکێشەی موچەی فەرمانبەرانی هەرێم کرد کە ماوەی دوو مانگە موچەیان وەرنەگرتوە بەبیانوی جۆراو جۆر و بێ بنەما لەلایەن وەزیری داراییەوە کە ئەمە پێچەوانەی بڕیاری دادگای ئیتحادییە بەوەی کەنابێت لەژێر هیچ پاساوێک ناردنی موچەی فەرمانبەرانی هەرێم دوا بکەوێت ،
بەخۆشحالییەوە سەرۆکی دادگای ئیتحادی دوپاتی کردەوە کەڕاستە ناوەرۆکی بڕیاری دادگا بەو شێوەیەو نابێت دەست بۆ موچەی فەرمانبەران ببرێت و باسی لەوە کرد کۆبونەوەیەک رێک دەخەن تایبەت بەو پرسە و دەبیت کۆتایی بەو بابەتە بێت و موچەی فەرمانبەرانی هەریم چارەسەر بکریت و مانگانە لەگەل فەرمانبەرانی ناوچەکانی دیکەی عێراق بگاتە دەستیان ، هەروەها باسمان لەوە کرد دیسان پێشێلی دەستورو یاسا کراوە لە بابەتی رێگری کردن لەجوتیارانی ئێمە بۆ گواستنەوەی بەروبومەکانیان بۆ ناوچەکانی باشورو ناوەڕاست ، بۆ ئەو بابەتەش پشت راستی کردەوە کەدەستور رێگە نادات ئەو رێگرییە بکریت ، لەچەند رۆژی داهاتوو هەر بۆ ئەو پرسانە کۆمەڵێک سەردانی و رێکاری یاسایی هەیە دەیگرینە بەر .
د. شاخەوان عبداللە
جێگری سەرۆکی پەرلەمانی عیراق
وەڵام بدەوه