لەبارەی کۆتایی هاتنی قۆناغی دووەم و دەستپێکردنی قۆناغی سێیەمی سەرژمێری وەزارەتی پلاندان ئاماژە بەوەدەدات هاونیشتمانیانی ناوچەکانی سنووری ماددەی 140 وێنه‌يه‌كى جوان و پر مانايان نيشاندا و داوایان لێدەکات لە قۆناغی پڕکردنەوەی سەرژمێریش ئامادە بن.
قۆناغی سێیەمی پرۆسەی سەرژمێری لە عێراق و هەرێمی کوردستان دەستپێدەکات، لەو قۆناغەدا بەپێی ستانداردی جیهانی و لە فۆرمێکدا 77 پرسیار لە هەر خێزانێک دەکرێن، پرسیارەکان باسی باری کەسی، خوێندن، تەندروستی، کارکردن و کەلوپەلەکانی ماڵەوە دەکات، وەزارەتی پلاندانانی حکومەتی هەرێمی کوردستانیش داوا لە هاونیشتمانیانی ئەو ناوچانە دەکات، خۆیان بۆ ئەو قۆناغە ئامادە بکەن.
وەزارەتی پلاندانانی هەرێمی کوردستان ڕایگەیاند، گرنگە لە قۆناغی سێیەمدا کە پەیوەستە بە بارودۆخی ژیان، زانیاری لەسەر بارودۆخى ئابوورى، كۆمه‌ڵايه‌تى، په‌روه‌رده‌يى، ته‌ندروستى و ديموگرافى کۆدەکرێتەوە، بوونى ئه‌ندامێكى خێزان له‌و ناوچانه بۆ پڕكردنه‌وه‌ى ئه‌و فۆرمه گرنگه. لە ڕاگەیێنراوەکەدا ئەوەش باسکراوە، بۆ ئەوەی بتوانرێت خاڵى سه‌ره‌كى ڕێکكه‌وتنیان له‌گه‌ڵ حكومه‌تى فيدراڵ جێبه‌جێ بكه‌ن سه‌باره‌ت به يه‌ك به‌ستنى داتاكانى سه‌رژمێرى (2024) له‌گه‌ڵ سه‌رژمێرى ساڵى (1957) و دروستكردنى تۆمارى ناوچه‌كانى مادده‌ى 140 كه ده‌بێته بنه‌ماى جياكردنه‌وه‌ى خه‌ڵكى ڕه‌سه‌ن له‌گه‌ڵ وافد و خه‌ڵكى دیکە.
وەڵام بدەوه