دووەم رۆژی دیداری مێپس 2024.. ئەمرۆ مەسروور بارزانی دیداری دەبێت

بڕیارە لە دووەم رۆژی كۆبەندی مێپس 2024، مەسروور بارزانی سەرۆك وەزیرانی هەرێمی كوردستان، دیداری دەبێت و باسی دۆخی ڕۆژهەڵاتی ناوەڕاست و عێراق و هەرێمی كوردستان دەكات.

ئەمڕۆ شەموو 23ـی تشرینی دووەم، مەسروور بارزانی سەرۆك وەزیرانی كوردستان، دیدارێكی تایبەتی دەبێت كە باس لە دۆخی ڕۆژهەڵاتی ناوەڕاست و عێراق و هەرێمی كوردستان دەكات.

دوێنێی مێپس 2024 دەستی پێ‌ كرد، ژمارەیەكی بەرچاو لە سیاسەتمەدار و ئەكادیمستەكان كە بەشدارییان لە پانێلەكانی یەكەم ڕۆژی كۆڕبەند كردبوو، زیاتر باسیان لەو مەترسییانە كرد كە هەڕەشەن بۆ فراوانبوونی جەنگ.

پرسی هەڵبژاردنی پەرلەمانی كوردستان و پێكهێنانی كابینەی نوێی حكوومەت تەوەرێكی تری یەكەم ڕۆژی كۆڕبەندەكە بوو، كە لە گوتار و گفتوگۆی بەشداران تیشكی خرایە سەر. 

پێنجەمین كۆڕبەندی ئاشتی و ئاسایشی ڕۆژهەڵاتی ناوەڕاست (مێپس2024) لە زانكۆی ئەمەریكی – كوردستان لە شاری دهۆك.

لە پێنجەمین كۆڕبەندی مێپس24، نزیكەی 124 ئەكادیمیست لە 40 وڵاتی جیاواز بەشدارن كە 73%ـیان بۆ جاری یەكەم بەشداریان كردووە. لە ژمارەیەك پانێل و وۆركشۆپ لەبارەی دۆخی ئێستەی دنیا و ڕۆژهەڵاتی ناوەڕاست گفتوگۆ دەكەن و پێشنیاز بۆ چارەسەر دەخەنەڕوو