شارەزایەکی بواری کەشناسی ئاشکرای کرد کە شەپولێکی بارانبارینی سەرتاسەری بەڕێوەیە و پلەکانی گەرما بەشێوەیەکی بەرچاو دادەبەزێت.
ئەمشەو دووشەممە 18/11/2024، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "بەگوێرەی پێشبینییە سەرەتاییەکانی کەشوهەوا لە ناوەڕاستی هەفتەی داهاتوو لەنێوان 24/11/2024 بۆ 26/11/2024، یاخود بۆ کۆتایی مانگ بارستە هەوایەکی بەهێزی زۆر ساردی جەمسەری لە ڕۆژهەڵاتی ئەورووپاوە کە سەرچاوەکەی ناوچەی سیبیریای وڵاتی ڕووسیایە ڕوو دەکاته ڕۆژهەڵاتی ئەورووپا، میسر، لیبیا، وڵاتانی شام، ناوچەکانی باکووری کوردستان و تورکیا و هەرێمی کوردستان و عێراق، پلەکانی گەرما بەشێوەیەکی زۆربەرچاو دادەبەزن و شەپۆلێکی بارانبارینی سەرتاسەری ناوچەکانی هەرێمی کوردستان دەگرێتەوە."
ئاماژەشی بەوە داوە: "لەگەڵ شەپۆلەکە ئەگەر هەیە لەم ناوچانەی کە تاوەکوو ئێستا پەڵەی نەداوە پەڵەبدات، پێشبینیش دەکرێت ناوچە شاخاوییەکانی هەرێمی کوردستان شەپۆلێکی چڕی بەفربارین بیانگرێتەوە و ئەو چیایانەی بەرزییان لە سەرووی هەزار مەترەوەیە بەفر ببارێت."
هەروەها ئەو شارەزایەی بواری کەشناسی ئەوەشی خستووەتە روو کە شەپۆلەکە جێگرنیە و لە گۆڕانکاری بەردەوامه.
وەڵام بدەوه